ل دهۆكێ ئوكسجینێ شل بۆ نه‌خۆشخانه‌كا كۆرۆنایێ هاته‌ دانان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ ئوكسجینێ شل بۆ نه‌خۆشخانه‌كا كۆرۆنایێ هاته‌ دانان

 

رێڤه‌به‌رێ كارگه‌هێن ئوكسجینێ ل ساخله‌میا دهۆكێ دیاركركو ب فه‌ر مه‌ دیت ئوكسجینێ شل بۆ نه‌خۆشخانا كۆرۆنایێ دانن داكو هه‌موو ئامێرێن ئوكسجینێ و یێن هه‌ناسه‌دانا ده‌ستكر باشتر كار بكه‌ن ونه‌خۆش مفایێ ژى وه‌ربگرن.

هیوا فه‌رید، رێڤه‌به‌رێ كارگه‌هێن ئوكسجینێ ل ساخله‌میا دهۆكێ بۆ(باسنیوز) دیاركركو: "ئوكسجینێ شل 99,9% یێ پاقژه‌ له‌ورا ده‌ست بكارئینانا ڤێ جۆرى ئوكسجینێ بۆ تووشبوویێن كۆرۆنایێ هاتیه‌ كرن ل پارێزگه‌ها دهۆكێ داكو نه‌خۆش پتر مفایێ بۆ چاره‌سه‌ری ژ ئوكسجینێ وه‌ربگریت. نۆكه‌ ئوكسجینێ شل ل نه‌خۆشخانا كۆرۆنایێ ل دهۆكێ هاته‌ دانان. ئه‌ڤ ئوكسجین دێ ب دروستاهی گه‌هته‌ هه‌موو تووشبوویان وباشتر دێ خزمه‌تا تووشبوویان هێنه‌ كرن بۆ چاره‌سه‌ركرنێ".

ئاشكه‌را كركو: "ل سه‌ر بریارا رێڤه‌به‌رێ گشتى یێ ساخله‌میا پارێزگه‌ها دهۆكێ ده‌ست دابینكرنا ئوكسجینێ شل هاته‌ كرن بۆ نه‌خۆشخانا كۆرۆنایێ دنه‌خۆشخانا كۆرۆنایێ دا. به‌رفره‌هكرن هاتیه‌ كرن وهنده‌ك ژوورێن دێ یێن هاتینه‌ زێده‌كرن له‌ورا مه‌ ب فه‌ر دیت بۆ وان ژوورێن تووشبوویێ كۆرۆنایێ تێدا چاره‌سه‌رێ وه‌ردگرن ئوكسجینێ شل دانن".