سهرپهرشتێ چارهسهركرنا نهخۆشێن كۆرۆنایێ ل پارێزگهها دهۆكێ دیاركركو ههر كهسهكێ تووشێ كۆرۆنایێ بووین، پشتى 25 رۆژان ژ نۆكه دشێت ژ مال دهركهڤ ونابیت كێمتر ژ ڤێ ژڤانێ تێكهلیێ بكهت.
د. موئهیهد ئهغالى، سهرپهرشتێ چارهسهركرنا نهخۆشێن كۆرۆنایێ ل پارێزگهها دهۆكێ بۆ (باسنیوز) گۆت: "ئهو كهسێن تووشێ كۆرۆنایێ بووین دناڤ مالێن خۆ دا چارهسهرێ وهردگرن، پشتى 11 رۆژان ژ تووشبوونێ سهربارگێن نهخۆشى گهلهك كێم دبن وپشتى 25 رۆژ تهمام دبن چوو نیشانێن كۆرۆنایێ دهڤ تووشبوویان نامینن ههتا ژى ڤایرۆسێ كۆرۆنایێ دناڤ خوینا تووشبوویێ دا نامینت دشێت ژ مال دهربكهڤت، لێ كێمتر ژ ڤێ ژڤانێ مهترسی ههیه چونكو دبیت هێشتا ڤایرۆسێ كۆرۆنایێ ناڤ خوینێ دا بمینت لهورا باشتره پشتى 25 رۆژان ژنۆكه تووشبوویێن كۆرۆنایێ ژمال دهركهڤن".
ئاشكهرا كركو: "خهلكهك ههیه تووشى كۆرۆنایێ بووینه و قهستا سازیێن ساخلهمیێ ناكهن ئهڤه ئێك ژ ئهگهرێن بهلاڤبوونا ڤایرۆسێ كۆرۆنایێ دناڤ وهلاتیان دا لهورا ژى رۆژ دووڤ رۆژى حالهت یێ زێدهبن. دئهنجامدا ژى حالهتێن دژوار و مهترسیدار ژى یێ زێدهبن".
د. موئهیهد ئهغالى گۆت: "نۆكه رهوشا 140 تووشبوویێن كۆرۆنایێ باش نینه دناڤ نهخۆشخانهیێن دهۆكێ دا و چارهسهرێ وهردگرن ".