"لیژنەیەکی تایبەت کار لەسەر نەهێشتنی دوو مووچەیی دەکات"
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

"لیژنەیەکی تایبەت کار لەسەر نەهێشتنی دوو مووچەیی دەکات"

بەرپرسى فەرمانگەى بەدواداچوون و هەماهەنگیى ئەنجوومەنى وەزیران رایگەیاند لیژنەى باڵاى بایۆمەترى بە هاوتەریب لەگەڵ یاساى چاکسازى، بابەتى مووچە رێکدەخەنەوە و نابێ هیچ فەرمانبەرێک زیاتر لە جارێک سوودمەندبێ.

د.عەبدولحەکیم خەسرەو، بە(باسنیوز)ى راگەیاند: "دواى ئەوەى کە یاساى چاکسازیى لە 1ى تەموزى ئەمساڵەوە چووە بارى جێبەجێکردن، یەکێک لە ئامانجەکانى یاساکە نەهێشتنە فرە مووچەیى بوو چونکە بەپێى یاسا نابێ هیچ کەسێک لە جارێک زیاتر سوودمەندبێ لە حکوومەت، جگە لەو کەسانەى کە لە یاسا رێگەپێدراون لەوانەش کەسوکارى شەهیدان و جینۆساید و زیندانیانى سیاسى".

راشیگەیاند: "لیژنەى باڵاى بایۆمەترى بە سەرۆکایەتى جێگرى سەرۆکى حکوومەت و ئەندامانى لێژنەکە هاوتەریب لەگەڵ یاسای چاکسازی،پێداچوونەوە بە بابەتى مووچە دەکەن و بە جۆرێک رێکى دەخەنەوە، کە لەگەڵ یاساکە بگونجێت چونکە بەپێى یاسا نابێ هیچ فەرمانبەرێک لە جارێک زیاتر لە حکوومەت سوودمەندبێ".

ئاماژەى بە ئەوەش دا: "فەرمانبەر جگە لە مووچەى فەرمانبەرێتى ناتوانێت مووچەى خانەنشینیش وەربگرێت،خانەنشینش ناتوانێت دوو مووچەى خانەنشینى وەربگرێت، جگە لە کەسوکارى شەهیدان ئەنفال و جینۆساید و زیندانیانى سیاسى نەبێ، بۆیە ئێستا ئەندامانى لێژنەکە ئەو کەسانەیان دەستنیشان کردووە کە بەنایاسایى زیاتر لە جارێک سوودمەند بوونە".