بۆ ئێکەم جار درامایەکا پۆلیسی ل کوردستانێ ھات درۆستکرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بۆ ئێکەم جار درامایەکا پۆلیسی ل کوردستانێ ھات درۆستکرن

پشتی کارکرنا زێدەتر ژ ١٠ ھەیڤان، ستافەک تایبەت یێ گرێدایی ب کارێن ھۆنەری ڤە شیان بۆ ئێکەم جار درامایەکا کوردی یا پۆلیسی بەرھەم ب ئینن و دراما ب تەمامی لدویڤ ستاندەرێن جیھانی ھاتیە درۆستکرن  و پێشکێشی چاڤێن بینەران بوویە.

شینۆار کەمال، دەرھێنەرێ درامایا کوردی یا پۆلیسی بۆ (باسنیوز) گۆت: " ژ بەر کۆ مە ل کوردستانێ درامایا کوردی نینە و چاڤێن بینەران بۆ درامایا کوردی ھەردەم د برسی نە ئەڤجا نەبوونا درامایا کوردی ھەلبەت درامایا پۆلیسی ب چ رەنگەکێ بەری نھا ل کوردستانێ پەیدا نەبویە، لەورا بەریا ١٠ ھەیڤان مە کۆمەک ژ کەسێن ناڤا ھونەرێ کوردی دا کار دکەن ھەولدا چیرۆکەک باش بنڤیسین و شیان بۆ دەمێ ١٠ ھەیڤان کار ل سەر بکەین و بۆ ئێکەم جار درامایەکا کوردی و یا پۆلیسی کۆ کارێ وێ دیڤچون و ڤەکۆلینا رۆیدانانە مە درۆست کریە و پێشکێشی چاڤێن بینەران کریە".

دیارکر:" کۆمپانیا پاولۆ خۆ ل ڤێ درامایێ کریە خۆدان و ل شاشا کەنالێ وار تیڤی ھەمو حەفتیان پەخش دبیت و مە شیایە ١٥ خەلەکان بەرھەم بینین و گۆت ژی:" پەتایا کۆرۆنایێ کاریگەری لسەر کارێ مە ھەبویە زور جاران بۆ دەمێ ئێک ھەیڤ مە کار نەکریە و بتنێ کارێ وێنەگرتنێ ٦٠ رۆژ دەرباز کرنە".

ناڤبری دۆپاتکر ژی: " ھژمارەک زۆر یا کەسێن پشکدار خەلکێ پارێزگەھا دھۆکێ بونە و زێدەتر ژ ١٢٠ ئەکتەران کار تێدا کریە"

شینواری بەحس ل وێ چەندێ ژی کر: "  ئەڤ درامایە ژ نڤیسێن و دەرھێنانا من بوویە و راوێژکاریا سەعید مەحمود نڤیسەرەکێ رۆژئاڤایێ کۆردستانێ یە و پرۆدیوسەر شەوکەت ئەمین کۆرکی بوویە و ٣ ئەکتەرێن سەرەکی مە ھەبوونە کۆ ریکێش شەھباز  و کچەک ب ناڤێ ئاڤان جەمال کۆ خەلکا پارێزگەھا سلێمانیێ بویە و جڤین مەھدی پشکدار بوویە و دیار کر ژی:" ئەم کار دکەین بۆ بەرھەمێت زێدەتر بەرھەم بینین و بینەرێن مە برسیێن درامایا کۆردی نە لەورا دێ ھەولدەین ئەڤ درامایە پێنگاڤەک بھێز بیت بۆ بەرھەم ئینانا درامانیێن زێدەتر و خزمەتا بینەرێن خۆ بکەین و ھەولبدەین درامایا کوردی دەولەمەند بکەین".