فەرماندەیەکی سەربازیی ساختە لە شاری بەسرەی باشووری عێراق، ئاشکرا دەبێت.
میدیا عێراقییەکان بڵاویان کردووەتەوە، کە ئەو کەسە پلەی موقەدەمی لە وەزارەتی بەرگریی عێراق بۆ خۆی هەڵبژاردبوو و بە فرتوفێڵ، پارەی لە خەڵک سەندووە.
هەروەک ئەو میدیایانە باسی دەکەن، هێزێکی ئەمنی رۆژی دووشەممە 21-9-2020 ئەو کەسەیان لە سەنتەری شاری بەسرە، دەستگیر کردووە.
پێشتریش دوو کەسی دیکە لە عێراق پلەی فەریقی سەربازی و لیوای سەربازییان بۆ خۆیان بە ساختە دروست کردبوو و پارەیان لە خەڵک دەسەند.