زیاتر لە 100 خێزانی عەرەب گەڕانەوە بۆ سێ گوندی سەر بە داقووق
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

زیاتر لە 100 خێزانی عەرەب گەڕانەوە بۆ سێ گوندی سەر بە داقووق

زیاتر لە 100 خێزانی عەرەب گەڕانەوە بۆ ناو سێ گوندی سەر بە قەزای داقووق لە سنووری پارێزگای كەركووك.

هیوا ڕەشید، بەرپرسی ناوچەی داقووقی پارتی دیموکراتی کوردستان، بە (باسنیوز)ی ڕاگەیاند: “ئێوارەی ئەمڕۆ یەكشەممە 20/9/2020، زیاتر لە 100 خێزانی عەرەب گەڕانەوە بۆ گوندەكانی عەتشانە و عەزیزیە و ساڵحییەی سەر بە قەزای داقووق”.

گوتیشی: “ئەو گوندانە پێشتر لەلایەن داعشەوە خاپور كرابوون و ئێستاش ئەو عەرەبانە گەڕانەوە بۆ ناو ئەو گوندانە”.

قەزای داقووق، بە دووری 30 كیلۆمەتر دەكەوێتە باشووری شاری كەركووك و لەسەر ڕێگای نێوان كەركووك-بەغدایە و ناوەندی قەزاكە لە كورد و عەرەب و توركمانی شیعە پێكدێت و تەنیا یەك گوندی توركماننشین بە ناوی (زەینئەلعابدین) و چەند گوندێكی عەرەبنشین لە ناوچەكە هەیە،  زۆرینەی گوندەكان گوندی كوردانن و گوندەكانیش زیاتر دابەشی سەر سێ ناوچە بوونە وەك ناوچەكانی هەفتەغار و كاكەییەكان و تاڵەبان، ئەو گوندانەش هاوسنوورن لەگەڵ سنووری قەزای حەویجە كە ئێستا بەشێك لەو گوندانەی سنووری حەویجە بەدەست داعشەوەیەوە شەوانە لەوێوە دزە دەكەنە ناو گوندە كوردییەكانی داقووق و كردەوەی توندوتیژی لە دژی خەڵك ئەنجام دەدەن.