ئۆتۆمبێلێك لە نزیك مەزارگەی شەرەفەدین لە شنگال تەقیەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئۆتۆمبێلێك لە نزیك مەزارگەی شەرەفەدین لە شنگال تەقیەوە


ئەمشەو ئۆتۆمبێلێك لە نزیك مەزارگەی شەرەفەدینی كوردانی ئێزیدی لە باكووری شنگال تەقیەوە، بەبێ ئەوەی هیچ زیانێكی لێ بكەوێتەوە.


مەزارگەی شەرەفەدین كە دووەم پیرۆزترین شوێنی ئاینی ئێزیدییەكانە لە دوای پەرستگای لالش، لە دوای هێرشی ڕێكخراوی تیرۆریستیی داعش لە 2014 جارێك تەقێندراوەتەوە.

 

شانەی راگەیاندنی ئاسایشی عێراق ئاماژەی بەوە داوە كە ئەم ئۆتۆمبێلەی لە نزیك مەزارگەكە تەقیوەتەوە، هێزەكانی پەكەكەی تێدا بووە و لەلایەن فڕۆكەیەكی بێفڕۆكەوانی توركیاوە كراوەتە ئامانج.


شانەكە ئەوەشی راگەیاندووە كە ئۆتۆمبێلەكە لە جۆری ئۆپڵ بووە و سێ چەكداری پەكەكەی تێدا بووە، لە نزیك مەزارگەی شەرەفەدین كراوەتە ئامانج.