ل دهۆكێ‌ پترژ سێ‌ هزار جهێن شوونواری یێن هاتینە دیتن و تۆماركرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ‌ پترژ سێ‌ هزار جهێن شوونواری یێن هاتینە دیتن و تۆماركرن

رێڤەبەرێ‌ شوونوارێن پارێزگەها دهۆكێ‌ دیاركركو هەتا نۆكە مە شیایە پتر ژ سێ‌ هزار جهێن شوونواری‌ ل دهۆكێ‌ تۆماربكەن، لێ‌ هێشتا كار ل سەر هەموویان نەهاتیە كرن.

 د. حەسەن ئەحمەد قاسم ، رێڤەبەرێ‌ شوونوارێن پارێزگەها دهۆكێ‌ بۆ (باسنیوز) راگەهاند: "كو د دیرۆكا دهۆكێ‌ هەر ژ چەرخێن بەرینێ‌ دەست پێ‌ دكەت ل ڤێ‌ دەڤەرێ‌ هەموو تشتان سەرهلدایە وەكو هۆنەر  و نڤیسینێ‌ و چاندن وئاڤاكرن و بیروباوەرێن ئاینێ.‌ دهۆك گەلەك یا دەولەمەندا ب شوونواران، هەروەسا ژی دهۆك رێكەك بوو ناڤبەرا رۆژهەلات و رۆژئاڤایێ‌ كوردستانێ‌ دا ژبەر ڤێ چەندێ گەلەك شوونوار ل دهۆكێ‌ هەنە. هەتا نۆكە ل دهۆكێ‌ پووتەكێ‌ مەزن شوونواران هاتیە دان. ئەم ئێكەمین رێڤەبەری نە ل سەر ئاستێ هەموو عێراقێ مە شیایە‌ ئەم بخۆ پەیوەندیان دگەل زانینگەهێن بیانی‌ دروست بكەن وپشت بەستنێ ل سەر خۆ بكەن بۆ دیتن و ڤەكۆلینێن شوونواری‌".

ئاشكەرا كر كو: "ئەڤ سالە وارێ‌ ڤەكۆلینان دا پتر ژ پێنچ ڤەكۆلینێن ئەكادیمی دكوڤارێن زانستی یێن جیهانێ‌ دا ل سەر ئاستێ  هەموو جیهانێ‌ مە بەلاڤ كرینە. ئەڤە ژی بەرهەمەكێ‌ باش مە ئەنجامدایی. ل ئیتالیا ژی كوڤارا زانستی یا میزوپوتامیا چەندین ڤەكۆلینێن گرنگ هژمارا ئەڤ سالە دا هاتنە بەلاڤكرن".

د. حەسەن گۆت: "نۆكە هندەك ڤەكۆلینێن رزگاركرنا شوونواران دەستێ‌ مە دانە مە دگەل چەندین زانكۆیێن جیهانێ‌ رێكەڤتن دروستكرینە بۆ سەخبیریا شوونوارێن دهۆكێ‌".