ساخله‌میا دهۆكێ: هنده‌ك هه‌لگرێن كۆرۆنایێ قه‌ستا جهێن گشتى دكه‌ن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ساخله‌میا دهۆكێ: هنده‌ك هه‌لگرێن كۆرۆنایێ قه‌ستا جهێن گشتى دكه‌ن

 

به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ بۆ (باسنیوز)راگه‌هاند كو ئێك ژ ئه‌گه‌رێن به‌لاڤبوونا كۆرۆنایێ ئه‌وه‌ خه‌لكه‌ك ب تایبه‌ت ژى هنده‌ك كه‌س هه‌نه‌ هه‌لگریێن كۆرۆنایێ نه‌ و نیشانێن وان سڤكن یان ژى هه‌ر نیشان نینن، قه‌ستا بازارێ و جهێن گشتى دكه‌ن بێ پێگری رێنمایان بكه‌ن".

حه‌مزه‌ ره‌زیكى، به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ بۆ (باسنیوز) دیاركركو: "ئه‌ڤه‌ جهێ مه‌ترسیێ یه‌ كه‌سێ تووشى كۆرۆنایێ بیت نیشان هه‌بن یان نه‌بن پێدڤیه‌ خۆ دناڤ مالا‌ خۆ دا كه‌ره‌نتین بكه‌ت لێ مخابنى ڤه‌ هنده‌ك هه‌نه‌ ئه‌نجامێن وان پوزه‌تیف ده‌رچن هه‌ر ئه‌و تووشبوو قه‌ستا ناڤ بازارێ دكه‌ن یێن بووینه‌ ئه‌گه‌رێ بۆ به‌لاڤبوونا كۆرۆنایێ ل دهۆكێ. داخوازا مه‌ ژ خه‌لكێ مه‌ یێ خوشتڤى ئه‌وه‌ پتر هه‌ڤكاربن وپێگریێ بكه‌ن. هه‌كه‌ ئه‌م بێژن هه‌موو خه‌لك یێ پێگر نینه‌ نه‌خێر وه‌سا نینه‌".

ئاشكه‌را كركو: "ئه‌و كه‌سێن ل جهێن گشتى كار دكه‌ن ل به‌ر ماركێت و فرۆشگه‌ه ومۆل وجهێن كاركرنێ راستى هه‌تا راده‌یه‌كێ مه‌زن هه‌ڤكار و پشته‌ڤانن وپێگریێ دكه‌ن لێ خه‌لكێ قه‌ستا وان دكه‌ن ئه‌م دبینن پێگیریا وان یا كێمه‌ له‌ورا پێدڤیه‌ میكانزمه‌ك هه‌بیت كۆنترولا ڤێ ره‌وشێ ناڤ بازارێ دا بهێته‌ كرن".

ره‌زیكى، راگه‌هاندكو: "نۆكه‌ ئه‌و كه‌سێن بۆ مه‌ره‌ما گه‌شت وگوزارێ قه‌ستا دهۆكێ بكه‌ن نه‌هاتیه‌ نه‌چاركرن پشكنینا كۆرۆنایێ ئه‌نجام بده‌ت ئه‌ڤه‌ دێ گه‌له‌ك كارتێكرنێ كه‌ت چونكو نۆكه‌ ل دهۆكێ هژمارا تووشبوویان رۆژانە به‌ره‌ڤ بلندبوونێ یه.‌ دڤان كاودانان دا ڤه‌كرنا زالگه‌ه دێ كارتێكرنا خۆ هه‌بیت".

گۆت: "نۆكه‌ ل دهۆكێ ره‌وشا 140 تووشبوویێن كۆرۆنایێ باش نینه‌ ژوانا ژى 24 تووشبوویێ دناڤ نه‌خۆشخانێن دهۆكێ دا نه‌ ره‌وشا وان گه‌له‌ك یا مه‌ترسیداره‌".