ئەمڕۆ ڕووسیا و توركیا لەبارەی ڕەوشی ئیدلب كۆ دبنەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئەمڕۆ ڕووسیا و توركیا لەبارەی ڕەوشی ئیدلب كۆ دبنەوە

بڕیارە ئەمڕۆ چوارشەممە ١٦/٩/٢٠٢٠ هەردوو وەزیرانی بەرگریی ڕووسیا و توركیا لەبارەی بارودۆخی ئیدلب كۆ ببنەوە و بڕیاریشە چەند بڕیارێك دەربكەن.

وەزارەتی بەرگریی توركیا بڵاوی كردووەتەوە، ئەمڕۆ چوارشەممە لەسەر ئاستی وەزارەتی بەرگری هەردوو وڵات توركیا و ڕووسیا كۆ دەبنەوە و ئامانجی كۆبوونەوەكەش تیشك خستنە سەر بارودۆخی ئیدلبە لە باکووری سووریا، چونكە تا ئێستا نەتوانراوە چارەسەرێكی كۆتایی بۆ بدۆزنەوە.

ڕووسیا داكۆكی لەوە دەكات پێویستە چەكدارانی تەحریرولشام كە توركیا پاڵپشتییان دەكات لە ئیدلب بكشێنەوە و چەكەكانیان دابنێن، بەڵام تەحریرولشام بە هەموو شێوەیەك ئەم داوایەی ڕووسیا رەت دەكاتەوە، بۆیە هەڵگیرسانی شەڕ لە ئیدلب لە ئان و ساتدایە.

ئاژانسەكانی هەواڵی توركیا بڵاویان كردەوە، بڕیارە ئەمڕۆ وەزارەتی بەرگریی ڕووسیا و توركیا لەبارەی ئیدلب بەیاننامەیەك بڵاو بكەنەوە و پێشهاتەكان و گۆڕانكارییەكانی ئەو شارە بۆ رای گشتی ئاشكرا بكەن.

لە دانوستانەکانی ئاستانەدا کە لە ٤-٥ی ئایاری ٢٠١٧ بە بەشداریی تورکیا، رووسیا و ئێران بەڕێوە چوو، بڕیار درا چوار "ناوچەی کەمکردنەی گرژیی" لە سووریا دروست بکرێن کە یەکێکیان پارێزگای ئیدلب لەگەڵ بەشێکی پارێزگاکانی (لازقییە، حەما و حەلەب) بوو.

بەڵام رژێمی بەشار ئەسەد و هێزە هاوپەیمانەکانی پابەند نەبوون بەم بڕیارەوە و لەڕێی لەشکرکێشییەوە جگە لە پاریزگای ئیدلب هەر سێ ناوچەکەی دیکەیان کۆنترۆڵ کردەوە و دواتر هەموو سەرنجەکانیان خستە سەر ئیدلب.

لە ١٧ی ئەیلوولی ٢٠١٨دا تورکیا و رووسیا بۆ وەستاندنی توندوتیژی و بەهێزکردنی ئاگربەستی سووریا "رێککەوتنی سۆچی"یان واژۆ کرد.

پارێزگای ئیدلب لە ساڵی ٢٠١٥ەوە تا ٢٠١٧ بە یەکجاری لە کۆنترۆڵی ئۆپۆزیسیۆنی سووریا بوو. حکوومەتی سووریا ساڵی ٢٠١٨ چەند ناوچەیەکی ئەو پارێزگایەی یەک بەدوای یەک کۆنترۆڵ کردەوە کە بریتین لە "فڕۆکەخانی ئەبووزهوور، خان شێخۆ" لە مانگی جانیوەریی ٢٠٢٠ەوە تا مانگی مارس شارەکانی "مەعرە نعمان، سراق" و شاڕێی ستراتیژیی M5 کەوتنەوە ژێر کۆنترۆڵی سوپای سووریا و تا ئێستا نیوەی ئەو پارێزگایەیان کۆنرتۆڵ کردووە، بەڵام هێشتا هەر کێشە و ئاڵۆزی بەردەوامە.