جیگرێ پارێزگەرێ دھۆكێ: رەوش ژ بەر كۆرۆنایێ گەلەك یا خرابە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

جیگرێ پارێزگەرێ دھۆكێ: رەوش ژ بەر كۆرۆنایێ گەلەك یا خرابە

جێگرێ پارێزگەرێ‌ دهۆكێ‌ دیار كر كو نۆكە دهۆك دقوناغەكێ‌ دایە پێدڤیە بتنێ‌ وەلاتیێ‌ خۆ پارێزن. رەوش گەلەك یا خرابە وباش نینە ژبەر زێدەبوونا هژمارا تووشبوویێن كۆرۆنایێ‌.

ماجد سەید سالح، جێگرێ پارێزگەرێ‌ دهۆكێ‌ ب وەكالەت بۆ (باسنیوز) راگەهاند كو هەموو جه و دەڤەران كۆرۆنا زێدەبوویە ئەم نەشێن ژیانێ‌ راوستنن. ئەم گەهشتنە قوناغەكێ‌ كو ژیان پێدڤیە یا نۆرمال بیت وخەلك كارێ‌ خۆ ئەنجام بدەت، ئەو قوناغ دەربازبوویە. نۆكە ئەم یێ‌ قوناغەكێ‌ دا بتنێ‌ وەلاتیێ‌ خۆ بپارێزن هەر كەسەك ساخلەمیا خۆ بپارێزت. ئەم هیڤیدارن هەموو وەلاتی‌ هەڤكاربن وپتر خۆ پارێزن. ل دهۆكێ‌ رۆژانە پتر ژ سێ‌ هزار پشكنینێن كۆرۆنایێ‌ دهێنە كرن لەورا ژی پتر حالەت دهێنە دەستنێشانكرن".

جێگرێ پارێزگەرێ‌ دهۆكێ‌ بۆ (باسنیوز) گۆت: "ئەڤ رەوشا نۆكە هەی ژێر خانەیا ساخلەمیێ‌ یا چوو جه و دەڤەر و دەولەتان نەشێت ڤێ‌ هژمارا زۆر تووشبوویان وەربگریت ئەم داخوازی دكەین خێرخواز و رێكخراوان بەردەوام بن دهەڤكاری وپشتەڤانیا ساخلەمیێ‌ و خەلكەكێ‌ هەژار وكێم دەرامەت دا".

ل دهۆكێ‌ پتر ژ هەشت هزار تووشبوویێن كۆرۆنایێ‌ هاتینە تۆماركرن دوو هزار و 942 تووشبوویێن كۆرۆنایێ‌ چارەسەر بوون و هیشتا 4966 تووشبوویێن كۆرۆنایێ‌ ل ژێر چارەسەرێ‌ ماینە و130 تووشبوویان ژێ‌ گیانێ‌ خۆ ژدەست داینە.