ل دھۆکێ رێک بۆ ھاتنا گەشتیارێن پارێزگەھیێن ناڤەراست و ژێریا عێراقی ھاتە ڤەکرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دھۆکێ رێک بۆ ھاتنا گەشتیارێن پارێزگەھیێن ناڤەراست و ژێریا عێراقی ھاتە ڤەکرن

 

رێڤەبەرێ گشتی یێ گەشت و گوزارێ ل پارێزگەھا دھۆکێ دیارکرکو ئەڤرۆ ١٥/٩/٢٠٢٠ێ ریێا دناڤبەرا پارێزگەھا دھۆکێ وباژێری مووسل و پارێزگەھیێن ناڤەراست و ژێریا عێراقی ل ھەمبەر گەشتیاران ھاتە ڤەکرن.

عوبەیدوڵڵا داود، رێڤەبەرێ گشتی یێ گەشت و گوزارێ ل پارێزگەھا دھۆکێ بۆ (باسنیوز) راگەھاند کو ئەڤرۆکە رێک ل ھەمبەر ھاتنا گەشتیاران بۆ پارێزگەھا دھۆکێ ھاتە ڤەکرن ل ھەمبەر وان گەشتیارێن ب ترۆمبێلێن خۆ یێن تایبەت دھێنە ناڤ پارێزگەھا دھۆکێ دا ھاتە ڤەکرن لێ ھەتا نۆکە چوو بریار بۆ ھاتنا گرۆپێن گەشتیاری یێن ب رێکا کومپانیان و پاسێن مەزن دھێنە دناڤ پارێزگەھا دھۆکێ دا نەھاتینە دان.

ئاشکەرا کر کو “ئەم وەکو رێڤەبەریا گشتی یێ گەشت و گوزارێ ل پارێزگەھا دھۆکێ بەردەوام دگەل جھێن پەێوەندار دێ کار کەین بۆ وێ چەندی َ ریک ل ھەمبەر ھاتنا گرۆپێن گەشتیاری ژی بھێتە ڤەکرن وەکو خزمەتەک بۆ پێشڤەچوونا کەرتێ گەشت و گوزارێ".

زێدەتر گۆت: "ل زالگەھان پشکنینا کۆرۆنایێ بۆ گەشتیاران ناھێتە کرن بتنێ دێ ئیقامە بۆ ھێتە چێکرن".