ئیسرائیل و ئیمارات رێککەوتنە مێژووییەکە واژۆ دەکەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئیسرائیل و ئیمارات رێککەوتنە مێژووییەکە واژۆ دەکەن

ئیماراتی عەرەبیی یەکگرتوو و ئیسرائیل، رێککەوتنە مێژژوییەکەی نێوانیان بە چاودێریی سەرۆکی ئەمریکا، واژۆ دەکەن..

رۆژی یەکشەممە 13-9-2020، عەبدوڵڵا بن زاید ئال نەهیان، وەزیری دەرەوەی ئیمارات بە سەردانێکی فەرمی و لەسەر بانگهێشتی دۆناڵد ترەمپی سەرۆکی ئەمریکا، گەیشتە واشنتن.

عەبدوڵڵا بن زاید بە سەرۆکایەتیی شاندێکی باڵای وڵاتەکەی و بە نوێنەرایەتیی خەلیفە بن زایدی سەرۆکی ئیمارات، رێککەوتنی ئاساییکردنەوەی پەیوەندییەکانی ئەبوزەبی و تەلئەڤیڤ لەگەڵ بنیامین نەتەنیاهۆی سەرۆک وەزیرانی ئیسرائیل، واژۆ دەکات.

بڕیارە رێککەوتنەکە رۆژی سێشەممە 15-9-2020 (ئەمڕۆ) لە واشنتن و بە چاودێریی دۆناڵد ترەمپ، واژۆ بکرێت.

لە رۆژی 13-8-2020، دۆناڵد ترەمپی سەرۆکی ئەمریکا، محەمەد بن زایدی شازادەی جێنشینی ئەبوزەبی و بنیامین نەتەنیاهۆی سەرۆک وەزیرانی ئیسرائیل لەسەر ئاساییکردنەوەی پەیوەندییەکانی ئیسرائیل و ئیمارات و راگرتنی لەخۆگرتنی ناوچە کێشەلەسەرەکانی فەلەستین لەلایەن ئیسرائیلەوە، رێککەوتن.

دواتر لە رۆژی 12-9-2020، دۆناڵد ترەمپی سەرۆکی ئەمریکا رایگەیاند، دوای ئیمارات، بەحرێن پەیوەندییەکانی لەگەڵ ئیسرائیل ئاسایی دەکاتەوە.