ب وێنە.. كەڤنترین بەنداڤا ئاڤێ‌ ل جیهانێ‌ ل قەزا شێخانە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ب وێنە.. كەڤنترین بەنداڤا ئاڤێ‌ ل جیهانێ‌ ل قەزا شێخانە

 سەرپەشتێ‌ شوونواران ل قەزا شێخان دیار كر كو كەڤنترین بەنداڤا ئاڤێ‌ ل هەموو جیهانێ‌ ل قەزا شێخان هاتیە پاراستن كو بۆ بەرێ‌ سێ‌ هزار سالە دزڤریت.

محەمەد عارف، سەرپەشتێ‌ شوونواران ل قەزا شێخان بۆ (باسنیوز) راگەهاند كو: "چەروانە ئێكە ژ جیهێن شوونواری كو‌ دكەفتە قەزا شێخان. بەرێ‌ سێ‌ هزار سالە هاتیە چێكرن. دیرۆكا وێ‌ بۆ سەر دەمێ‌ ئەمبراتوریەكا ئاشۆری ڤەدگەریت كو ئێكەمێن بەنداڤا ئاڤێ یە ل جیهانێ‌ هەموو ل قەزا شێخان هاتیە دروستكرن هەتا ئەڤرۆ ئەو بەرێن ئەڤ بەنداڤا پێ‌ هاتیە دروستكرن ژناڤ نەچوووینە".

 زێدەتر دیار كر كو: "گەلەك ڤەكۆلین لسەر هاتینە ئەنجامدان ل سەر دەمێ‌ پاشایێ‌ سنحاریب ئەڤ بەنداڤا ئاڤێ‌ هاتیە چێكرن بۆ كۆمكرنا ئاڤێ‌ ئەو ئاڤا كانیكێن كوردستانێ‌ و خەنس تێدا هاتە كۆمكرن وبەرەڤ پایتەختی ئەمبراتوریەتا ئاشوریا نەینەوا چوویە دووڤ ڤەكۆلین هاتینە كرن ژی هەتا نۆكە دیارنەبوویە چەند ئاڤ د ڤێ‌ بەنداڤێ‌ دا هاتە كۆمكرن".

 ئاشكەرا كر كو: "13 دەرگەهێن كڤانێ‌ د بەنداڤا چەروانە دا هاتیە چیكرن بۆ دەربازبوونا ئاڤێ‌ دوو ملیۆن پارچەیێن بەرێ‌ یێن هاتینە بكارئینان بۆ چێكرنا ڤێ‌ بەنداڤا ئاڤێ‌ هەتا ئەڤرۆ گەلەك ژوان پارچەیێن بەرێ‌ ماینە وهێشتا پشكەك ژ بەنداڤا چەروانە مایە و هندەك ژی یا ژناڤچوویێ‌ كو پرۆژی گەهاندنا ئاڤێ‌ بوویە بۆ نەینەوا د وێ‌ سەردەمێ‌ دا".

محەمەد عارف گۆتژی: "وێ‌ وەختێ‌ دا ب رێیا ڤێ‌ بەنداڤا ئاڤێ‌ گرنگی ب كەرتێ چاندنیێ هاتیە دان، دهێتە هژمارتن كەڤنترین بەنداڤا ئاڤێ‌ ل جیهانێ‌ هەتا نۆكە ل شێخان مایە بۆ دەمێ‌ نێزیكێ‌ سێ‌ هزار سالە ڤەدگەریت".