کۆیە.. هەڵمەتێکی نیشتیمانی بۆ خۆپارێزی لە کۆڕۆنا ئەنجام دەدرێ
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

کۆیە.. هەڵمەتێکی نیشتیمانی بۆ خۆپارێزی لە کۆڕۆنا ئەنجام دەدرێ

ئەمڕۆ یەکشەممە بەڕێوەبەرایەتی گشتی تەندروستی کۆیە، هەڵمەتێکی هۆشیاریی نیشتیمانی بۆ بەرەنگاربوونەوەی پەتای کۆڕونا ئەنجامدا و هەڵمەتەکە بۆ ماوەی پێنج ڕۆژ بەردەوام دەبێت.

هاوکار عەلی، گوتەبێژی بەڕێوەبەرایەتی تەندروستی کۆیە، بە (باسنیوز) ی ڕاگەیاند:   "ئەمڕۆ هەڵمەتی هۆشیاری نیشتیمانی بۆ بەرنگاربوونەوەی کۆرۆنا لە ژێر ناونیشانی (خۆمان دەپارێزین تاوەکو ئازیزانمان لە دەست نەدەین) لە لایەن بەڕێوەبەرایەتی گشتی تەندروستی کۆیە و نەخۆشخانەی فێرکاری شەهید د.خالید بەرێوچوو".

گوتیشی:   "هەڵمەتەکە لە ڕێگەی چوار تیم بۆ ماوەی پێنج ڕۆژ  بەردەوام دەبێت و تێیدا بڕێک ماسک و دەست کێش و پۆستەر و بروشور بۆ خۆپارێزی لە پەتای کۆڕۆنا بەسەر هاووڵاتیاندا دابەشدەکرێت".