كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ل ئاكرێ نێزیكی سێ هزار ته‌نێن هژیران به‌رهه‌م هاتنه‌

ئه‌ڤ ساله‌ ل سنورێ قه‌زا ئاكرێ، لدویڤ گۆتنا رێڤه‌به‌ریا چاندنا قه‌زا ناڤبری نێزیكی 3 هزار ته‌نێن هژیران به‌رهه‌م هاتنه‌ و كۆرۆنا بویه‌ ئه‌گه‌ر كۆ به‌رهه‌مێ ئه‌ڤ ساله‌ بێ بها بیت.

ئه‌حمه‌د جه‌میل، رێڤه‌به‌رێ چاندنا قه‌زا ئاكرێ بۆ (باسنیوز) دیار كر: "هه‌ر سال ل قه‌زا ئاكرێ به‌رهه‌مه‌كێ باش یێ هژیران به‌رهه‌م دهێت و ئه‌ڤ ساله‌ نێزیكی 820 ته‌نێن هژیران به‌رهه‌م هاتنه‌ و ل سنورێ قه‌زا ئاكرێ  54 هزار دۆنه‌مێن ئه‌ردی بۆ به‌رهه‌مێ هژمیران هاتنه‌ ته‌رخانكرن و ئه‌ڤ ساله‌ دا 54 هزار بنێن هژیران به‌رهه‌م دایه‌ جۆتیاران".

رێڤه‌به‌رێ چاندنا قه‌زا ئاكرێ ب رێكا (باسنیوز) ئاماژه‌ ب وێ چه‌ندێ ژی دا: "هه‌ر ل سه‌نته‌رێ باژێركێ ئاكرێ تا كۆ ناحیێن بجیل و دینارتێ به‌رهه‌مێ هژیران به‌رهه‌م دهێت و سالانه‌ به‌رهه‌مه‌كێ باش ب ده‌ست جۆتیاران ڤه‌ دهێت و دیسان هه‌ر سال ئه‌ڤی به‌رهه‌مێ بخێر و بێر بهایه‌كێ باش بده‌ستخۆڤه‌ ئینایه‌ و هه‌ر سال ژ 3 هزار دیناران تا كۆ 8 هزار دیناران بهایێ هژیرا ئاكرێ بلند بوویه‌ لێ ئه‌ڤ ساله‌ داكه‌فتنه‌كا زور بخۆڤه‌ دیتیه‌ و ئه‌گه‌رێ ئه‌ڤێ داكه‌فتنێ په‌یدابوونا په‌تایا كۆرۆنایێ بوویه‌".

دۆپاتكر ژی:" گرتنا ده‌رگه‌هێن سنوری دگه‌ل ناڤه‌راست و باشورێ عیراقێ بوویه‌ ئه‌گه‌ر بهایێ ئه‌ڤ ساله‌ یێ هژیرا ئاكرێ نزم ببیت، چونكه‌ هه‌مو سالان ئه‌ڤ به‌رهه‌مه‌ بۆ ناڤه‌راست و باشورێ عیراقێ دهات ره‌وانه‌كرن لێ كۆرۆنا بوو ئه‌گه‌ر ئه‌ڤ ساله‌ به‌رهه‌م ل جه دا بمینیت و گۆتژی:" به‌ریا چه‌ند رۆژان بهایێ ئێك كیلۆیا هژیرا ئاكرێ بتنێ ب 250 دیناران بوویه‌، لێ جۆتیارێن مه‌ ده‌ستان نا داهێلن و ل سه‌ر به‌هه‌مئینانا هژیرا ب ناڤ و ده‌نگ یا قه‌زا ئاكرێ د به‌رده‌وامن و به‌رده‌وام بازارێ هژیران ل ئاكرێ گه‌رم و گۆره‌".