ب ڤیدیۆ.. ل دهۆكێ رێز ل سینه‌ماكاره‌كێ هات گرتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ب ڤیدیۆ.. ل دهۆكێ رێز ل سینه‌ماكاره‌كێ هات گرتن

 

پشتى كۆ سینه‌ماكار عادل عه‌بدولره‌حمان شیایى ل هه‌ڤیا سێ یا ئه‌ڤ ساله‌ خه‌لاته‌كێ نیڤده‌وله‌تى ل ده‌رڤه‌ى هه‌رێما كوردستانێ وه‌ربگریت، ئه‌ڤرۆ رێڤه‌به‌ریا ره‌وشه‌نبیرى و هۆنه‌رى رێز ل كارێ وى گرت.

ئه‌یوب ره‌مه‌زان، رێڤه‌به‌رێ گشتى یێ ره‌وشه‌نبیرى و هونه‌رى یا پارێزگه‌ها دهۆكێ بۆ (باسنیوز) دیاركر:"ل هه‌یڤا سێیا ئه‌ڤ ساله‌، فلمه‌ك ب ناڤ و نیشانێ (بارێ گران) كۆ فلمه‌ك وه‌كه‌ چیرۆك یا كوردى بۆ، لێ ژ به‌ر كۆ ل كۆردستانا باكۆر هاتبو درۆستكرن ب هه‌ردوو زمانێن كۆردى و تۆركى به‌رهه‌ڤ ببو، و ئه‌كته‌ر عادل عه‌بدولره‌حمان وه‌كه‌ ئه‌كته‌ر پشكدارى وى فلمى ببو و رۆلێ سه‌ره‌كى یێ وى بویه‌ د فلمێ ناڤبرى دا و شیانه‌ ئه‌وى فلمى ل چه‌ند وه‌لاتێن جیهانێ نیشان بده‌ین و چیرۆكا فلمى ل سه‌ر ئافره‌ته‌كا باژێرێ مێردینێ باكۆرێ كۆردستانێ بوویه‌ و گۆت ژى: ئه‌و فلمه‌ شیا چوار خه‌لاتێن نیڤده‌وله‌تى پێشكێشى وى ئه‌كته‌رى بكه‌ت".

رێڤه‌به‌رێ گشتى یێ ره‌وشه‌نبیرى و هۆنه‌رى گۆت ژى: "ئه‌و فلمێ (بارێ گران) ل هه‌یڤا سێیا ئه‌ڤ ساله‌ هاتبو نیشاندان".

ناڤبرى ته‌كه‌ز ل سه‌ر وێ چه‌ندێ ژى كر: "ئه‌و فلمه‌ ل وه‌لاتێن (مه‌كسیك، ئیتاڵیا، ئیسپانیا) هاتبو نیشاندان و خه‌لات بده‌ست ڤه‌ هاتبو، خه‌لاتێ چارێ ژى یێ نیڤده‌وله‌تى ل رومانیا ب وى هاتیه‌ به‌خشین".

دۆپاتكر ژى: "مه‌ ب فه‌ر دیت ئه‌ڤرۆ وه‌كه‌ رێڤه‌به‌ریا گشتى یا ره‌وشه‌نبیرى و هۆنه‌رى ده‌ستخۆشیێ ل ئه‌كته‌رێ كورد عادل عه‌بدولره‌حمان بكه‌ین و كار و خزمه‌تا وى جهێ شانازیبوونێ یه‌".

عادل عه‌بدولره‌حمان، ئه‌كته‌ره‌ك كۆرده‌، خه‌لكێ پارێزگه‌ها دهۆكێ یه‌، نێزیكى 30 سالا یه‌ د ناڤا فلمێن سینه‌مایى دا كار دكه‌ت و هند جاران وه‌كه‌ ئه‌كته‌ر و ده‌رهێنه‌ر وكامیره‌مان كار كریه‌ و پشكدارى زێده‌تر 15 فلمێن درێژ یێن سینه‌مایى بویه‌ و شیایه‌ چوار خه‌لاتێن نیڤده‌وله‌تى بده‌ستخۆڤه‌ بینیت.