وەزیری دارایی رەزامەندی لەسەر خەرجكردنی بڕە پارەیەك دەركرد
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وەزیری دارایی رەزامەندی لەسەر خەرجكردنی بڕە پارەیەك دەركرد

وەزیری دارایی و ئابووریی حكوومەتی هەرێمی كوردستان ڕەزامەندی لەسەر خەرجكردنی بڕە پارەیەكی بەرچاو بۆ شاری كەلاری ناوەندی ئیدارەی گەرمیان دەركرد.

سامان رەحیم، بەڕێوەبەری ئاوی كەلار رای گەیاند كە بە مەبەستی ڕوونكردنەوەی چەند پێداویستیی و کەموکورتییەکی تایبەت بە یٔاوی کەلار، سەردانی وەزیری دارایی کردووە و وەزیر ڕەزامەندی لەسەر تەرخانكردنی بڕە پارەیەك بۆ دابینكردنی (بوستەرپەمپ) داوە.

هاوكات لە نووسراوێكدا كە ڕۆژی ٣ی ٩ی ٢٠٢٠ لە لایەن ئاوات شێخ جەناب، وەزیری دارایی و ئابوورییەوە واژۆ كراوە و وێنەیەكی دەست (باسنیوز) كەوتووە، ئاماژە بەوە دراوە: ”ڕازین لەسەر تەرخانكردنی بڕی ١٢٧ ملیۆن و ٨٠٥ هەزار دینار بۆ بەڕێوەبەرایەتیی ئاوی كەلار تایبەت بە جێبەجێكردنی پڕۆژەی دابینكردنی سێت كامل (پەمپ، ماتۆڕ، بۆرد و دانانی یەكەی پاڵنانی ئاوی كەلار - ١) بەپێی دەرخستەی ڕاستكراوی هاوپێچ“.

جەختیش كراوەتەوە كە ”ئەم پارەیە لەسەر بودجەی بەڕێوەبەرایەتیی ناوبراو تەرخان دەكرێت بەمەرجێك كارەكە بەپێی ڕێنمایی ژمارە ٢ی ساڵی ٢٠١٦ی ەوەزارەتی پلاندانان تایبەت بە جێبەجێكردنی گرێبەستە گشتییەكانی حكوومەت كاری لەگەڵدا بكرێت“.