لە گوندێكی نێوان كوڵەجۆ و گوڵاڵە هاووڵاتیان هێرشێکی داعشیان تێک شکان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە گوندێكی نێوان كوڵەجۆ و گوڵاڵە هاووڵاتیان هێرشێکی داعشیان تێک شکان

درەنگانی شەوی ڕابردوو دانیشتوانی گوندی قەڵا لە نێوان ناحیەی كوڵەجۆی سەر بە قەزای كفری و ناحیەی گوڵاڵەی سەر بە قەزای خانەقین، هێرشێكی تیرۆیستانی داعشیان تێكشكاندووە، بەڵام هاووڵاتییەک بریندار بووە.

ئەمڕۆ شەممە 5/9/2020، شەمال عەبدولڕەحمان، لێپرسراوی بنكەی ئاسایشی كوڵەجۆ، بە (باسنیوز)ی راگەیاند: "درەنگانی شەوی رابردوو تیرریستانی داعش هێرشیان كردووەتە سەر گوندی "قەڵا" كە دەكەوێتە نێوان هەر دوو ناحیەكانی كوڵەجۆ و گوڵاڵەوە."

گوتیشی: "هاووڵاتییانی كوردی ئەو گوندە بە چەكی خۆیان بەرەنگاری تیرۆریستانی داعش بوونەتەوە و تیرۆریستانیان ناچار كردووە هەڵبێن و ناوچەكە بەجێ بێڵن."

ئەو بەرپرسە راشی گەیاند: "بەهۆی هێرش و تەقەی تیرۆریستانەوە تەنیا هاووڵاتییەك لە گوندەکە بریندار بووە کە ئەویش رەوانەی كەلار و پاشان ڕەوانەی سلێمانی كراوە."