ب وێنە.. قاتێ‌ سیێ‌ یێ‌ رێیا رووڤیا بۆ گۆپال هات قێر كرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ب وێنە.. قاتێ‌ سیێ‌ یێ‌ رێیا رووڤیا بۆ گۆپال هات قێر كرن

بۆ دەمۆ چەند رۆژانە دەست ب قێركرنا قاتێ‌ سیێ‌ یێ‌ قێری یێ‌ رێیا ستراتیژی یا رووڤیا بۆ گۆپال هاتیە كرن و بڕیارە ل دەمەک  نێزیك كار کرن ب دووماهی بهێت.

ئاراس جەمال، سەرپەرشتیارێ‌ رێیا رووڤیا بۆ گۆپال ژ كۆمپانیا كاڤین گرۆپ بۆ(باسنیوز) دیار كر: "پرۆژێ‌ رێیا جوتسایدكرنا رێیا رووڤیا بۆ گۆپال ب رێیەكا ستراتیژی یا د ناڤبەرا دهۆك بۆ هەولێر دهێتە  دانان ل 25/9/2018 بەری بنیاتی بۆ هاتبوو دانان كو 22 كم رێیێ‌ بوون ل گەل 16 كم رێیا شوونگر و ل دووماهیا سالا 2019 ب قێركرنا دو قاتێن قێری ل هەمبەر شوفێران هاتبوو ڤەكرن".

گۆتژی: "ئەڤە چەند رۆژە وان دەست ب قێركرنا قاتێ‌ سیێ‌ و دووماهیێ‌ یێ‌ رێیا رووڤیا بۆ گۆپال كریە و بڕیارە د ماوێ‌ دوو هەیڤان دا ب ئێكجاری كارێ‌ قێركرنا قاتێ‌ سیێ‌ ب دووماهی بهێت و كەمپا خوەک یا كاركرنێ‌ ژ رووڤیا ڤەكێشین، ژ بەر كو ب ئێكجاری دێ‌ كار ب دووماهی هێت". 

دیار کر ژی: "85 هزار تەنێن قێرێ‌ دێ‌ ل قاتێ‌ سیێ‌ هێنە بكارئینان، مە پێنج هزار تەنەك یێن ل قاتێ‌ سیێ‌ بكارئیناین و كار یێ‌ بەردەوامە و بڕیارە بەری 1/11/2020 ب تەمامی كار ب دووماهی بهێت و باشترین جورێ‌ قێرێ‌ بۆ قاتێ‌ سیێ‌ یێ‌ ڤێ‌ رێیێ‌ بكارئینایە كو ژ ئالیێ‌ وەزارەتا باژێرڤانیێ‌ و ئاڤەدانكرنێ‌ ڤە یێ‌ پەسەندە، جورەكێ‌ قێری یە دبێژنێ‌ پولیمەر كو بەرگریا گەرمێ‌ و سەرمایێ‌ دكەت و دێ شۆفێر ب درۆستبونا ئەڤێ جاددێ دلخۆش بن."