گەشتوگوزاری سۆران: رۆژانە زیاتر لە 1500 گەشتیار سەردانی سەیرانگەكانی سنوورەكە دەكەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

گەشتوگوزاری سۆران: رۆژانە زیاتر لە 1500 گەشتیار سەردانی سەیرانگەكانی سنوورەكە دەكەن

لە ڕۆژی هەینیی پێشووەوە و بەپێی مەرج و گرتنەبەری رێكارەكانی خۆپارێزییە تەندروستییەکان، شوێنە گەشتیارییەكانی دەڤەری سۆران كراونەتەوە و بەڕێوەبەری گەشتوگوزاری سۆرانیش ئاماری هاتنی گەشتیاران بۆ ناوچەكە دەخاتە ڕوو.

بارزان محەمەد، بەڕێوەبەری گەشتوگوزاری سۆران، بە (باسنیوز)ی راگەیاند: "بەپێی مەرجەكانی تەندروستی بۆ خۆپارێزی لە ڤایرۆسی كۆرۆنا، سەیرانگە و شوێنە گەشتیارییەكانی سنوورەكەمان بەڕووی گەشتیاران و هاووڵاتیاندا كراونەتەوە، كە هەر چوار قەزاكانی (سۆران، رواندز، مێرگەسۆر و چۆمان) لەخۆ دەگرێت و بەردەوامیش لیژنەكانمان سەردانی ئەم شوێنانە دەكەن، بۆ ئەوەی كرێكاران و كارمەندان و خاوەن سەیرانگەكان پابەندی رێنماییە تەندروستییەكان بن، بە پێچەوانە تووشی لێپێچینەوەی یاسایی دەبنەوە".

بەڕێوەبەری گەشتوگوزاری سۆران، ئەوەشی ئاشكرا كرد: "ئێستا رۆژانە زیاتر لە 1500 گەشتیار سەردانی سەیرانگە و شوێنە گەشتیارییەكانی سنوورەكەمان دەكەن، هەروەها رۆژانی هەینی رێژەكە بەرز دەبێتەوە بۆ 4000 هەزار گەشتیار، زۆربەشیان دانیشتووی سنووری پارێزگای هەولێر و دەوروبەرن".