لێپرسراوی ڕاگەیاندنی زانکۆی ڕاپەڕین ئاشکرای دەکات کە قوتابییەکی زانکۆی ڕاپەڕین ئەپێک بۆ فێربوونی زمانی عەرەبی دروست دەکات.
ئاراس ڕەمەزان، لێپرسراوی ڕاگەیاندنی زانکۆی ڕاپەڕین، بە (باسنیوز)ی ڕاگەیاند: "خوێندکاری زانکۆمان ھێدی ئەبوبەکر، كە دانیشتووی شارۆچكەی حاجیاوایە و خوێندكاری قۆناغی دووەمی بەشی عەرەبییە لە كۆلێژی پەروەردە لە كەمپەسی قەڵادزێ و توانیویەتی ئەپێك بۆ فێربوونی زمانی عەرەبی بە ناوی (kpclass) دروست بكات و دوای کارکردنێکی زۆر و ھەوڵێکی بێوچان بۆ پێشخستنی زیاتری ئەپەکەی و تەواوبوونی کارەکانی راپۆرتی کارکردنی نارد بۆ گۆگڵ دوای پەسەندکردنی فۆڕمی ڕێپێدانی کارکردنی بۆ گەڕایەوە"
گوتیشی: "ئامانجی ئەو خوێندکارە کارکردنە بۆ پێشخستنی ئاستی خۆی و زانکۆکەی و وڵاتەکەی، هەروەها گەیاندنی ناوی خۆی وەک داھێنەر و زانستخواز و ناوی زانکۆکەی وەک ناوەندێکی چالاکی داھێنان و پێشکەوتن بە دونیا و لیستی ریکۆردەکانی جیھان".
جەختیشیکردەوە "ئەو خوێندکارە گۆگڵ و پڕۆپۆزەڵیشمی هەیە بۆ بە ئەلیکترۆنیکردنی کتێبخانەکانی زانکۆی ڕاپەڕین و دروستکردنی سیستەمی لۆکەیشن بۆ زانکۆی ڕاپەڕین و ئێستا سەرقاڵی دروستکردنی فەرهەنگێكە کە کارەکانی لە قۆناغی کۆتاییدان و ھەموو سیستەمە پێویستەکان لە ھەردوو ئەپەکەدا بەردەستە وەکو سیستەمی ڤۆیس - سیستەمی سکان - سیستەمی کامێرا - سیستەمی ئیمەیڵ و ئاڵوگۆڕی زانیاری و ئۆتۆ ڤێرژن".