ئاكرێ.. ساڵانه‌ رێژا به‌رهه‌مئینانا ترشه‌ سماقێ زێده‌دبیت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئاكرێ.. ساڵانه‌ رێژا به‌رهه‌مئینانا ترشه‌ سماقێ زێده‌دبیت

ل پرانیا ده‌ڤه‌رێن كوردستانێ سماق دهێته‌ چاندن ل ده‌ڤه‌ره‌كێ بو ده‌ڤه‌ره‌كا دى رێژا وێ پتره‌ ل سنورێ قه‌زا ئاكرێ ،رێژه‌كا به‌رفره‌ها ره‌زێن سماقێ هاتینه‌ دانان و سالانه‌ ژیان و ژیارا خه‌لكێ لسه‌ر به‌رهه‌مێ سماقێ یه‌.

رزگار زه‌كه‌ریا، ره‌زڤانه‌كێ ده‌ڤه‌را ئاكرێ یه‌ بۆ (باسنیوز) گوت: "ئه‌م گه‌له‌ك گرنگیێ ب به‌رهه‌مێن خومالى دده‌ین نه‌مازه‌ چاندنا سماقێ كو به‌رهه‌مه‌كێ خورسكیه‌ و ژیارا گه‌له‌ك كه‌سان لسه‌ر فروتنا وێ یه‌ سالانه‌ ل ده‌ست پێكا مه‌ها هه‌شت ده‌ست ب چنینا وێ دكه‌ین بو فروتنێ به‌لى َمخابن لبه‌ر وێ ره‌وشا ئالوزا ل ده‌ڤه‌رێ بهایێ وى َگه‌له‌ك ئه‌رزان بویه‌،ژبه‌ركو گه‌له‌ك سماق دكه‌ڤیته‌ دناڤ بازارى دا و ناچیته‌ ده‌رڤه‌ ژى له‌وما ژى ئه‌زران دبیت ئه‌ڤساله‌ گه‌له‌ك زێده‌ بۆیه‌ به‌رهه‌مێ سماقێ".

ناڤبرى گوتژى: "ده‌سپێكا بوهارێ ده‌ست ب چاندنا شتلێن سماقى دكه‌ین و هه‌یا سێ سالان دگه‌هیته‌به‌رى سالانه‌ ژى كه‌زاخێ بو دكه‌ین و دیسا ژى هند سالان خراب دبیت و نه‌خوشیه‌ك بو دهێت ئه‌گه‌ر چو نه‌خوشى بو نه‌هێن پشتى سێ سالان ئه‌م ده‌ست ب چنینێ دكه‌ین ، ده‌ڤه‌را مه‌ تایبه‌ت مه‌ند و ب ناڤ و بانگه‌ بو سماقێ ئه‌گه‌ر بهێته‌ فروتن ب بهایه‌كێ باش هنده‌ك مال هه‌نه‌ كارێ وان سماق چنینه‌ و چو كارێن دى ناكه‌ن ژبه‌ركو ده‌ڤه‌را مه‌ ئاخه‌كا هه‌وایه‌كێ باش هه‌یه‌ بو چاندنا سماقێ".

ئه‌حمه‌د جه‌میل رێڤه‌به‌رێ چاندنا ئاكرێ بۆ (باسنیوز) گوت: "ئه‌ڤساله‌ هه‌مبه‌ر پارسال به‌رهه‌مێ سماقێ دوجاركى زێده‌ بۆیه‌ ئه‌گه‌ر ل ڤان روژێن بهێت چۆ نه‌خوشى توش نه‌بن جوتیار دلخوش بۆیه‌ ب رێژا زورا به‌رهه‌مێ خوه‌یێ سماقێ ئه‌ڤساله‌ پێشبینیا پتر ژ 2 بۆ 3 هزار ته‌نێن سماقێ دكه‌ین ل ده‌ڤه‌را ئاكرێ كو نوكه‌ 11 هزار دونه‌مێن ئه‌ردى ب سماقێ هاتینه‌ چاندن و سالانه‌ جوداهى ب سه‌ردا دهێت رێژاوێ بهایێ وێ به‌لێ هه‌تا نوكه‌ یا باشه‌ زور".