ل دهۆكێ ته‌رمێ دوو كه‌سان هاتیه‌ دیتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ ته‌رمێ دوو كه‌سان هاتیه‌ دیتن


په‌یڤدارێ به‌ره‌ڤانیا باژێرى ل دهۆكێ ب رێكا (باسنیوز) دیاركر كۆ ئه‌ڤرۆ رۆژا ئه‌ینى ل دهۆك و زاخۆ ته‌رمێ دوو كه‌سان ل ناڤا ئاڤێن ده‌ڤه‌رێ دا هاتینه‌ دیتن و ده‌رئێخستن.


بێوار عه‌بدولعه‌زیز په‌یڤدارێ به‌ره‌ڤانیا باژێرى ل دهۆكێ بۆ (باسنیوز) دیاركر ئه‌ڤرۆ رۆژا ئه‌ینى ل ده‌مژمێر 4:15 خۆله‌ك په‌یوه‌ندى ب تیمێن مه‌ هاتیه‌ كرن كۆ رویدانه‌كا خه‌ندقینێ ل سنورێ دهۆكێ هه‌یه‌ و هه‌ر بله‌ز تیم گه‌هشتنه‌ جهێ مه‌به‌ست و ل گه‌لیێ (بێدیلێ) كۆ گه‌نجه‌ك ب ناڤێ(ع.ح) دژیێ(27) سالیێ دا یه‌ خه‌لكێ رۆژئاڤایێ كۆردستانێ یه‌ ده‌ما كۆ ناڤا ئاڤه‌كا وێ ده‌ڤه‌رێ دا مه‌له‌ڤانى ئه‌نجام داین ژ نه‌شاره‌زایا ئاڤا ده‌ڤه‌رێ خه‌ندقیه‌ و ته‌رمێ وى ژلایێ تیمێن مه‌ ڤه‌هاتیه‌ ده‌رئێخستن و بۆ نۆژداریا داد یا دهۆكێ هاتیه‌ ره‌وانه‌كرن.


په‌یڤدارێ به‌ره‌ڤانیا باژێرى ل دهۆكێ گۆت ژى هه‌ر دره‌نگه‌ ئێڤارا ئه‌ڤرۆ رۆژا ئه‌ینى ل سه‌نته‌رێ قه‌زا زاخۆ یا سه‌ر ب پارێزگه‌ها دهۆكێ ڤه‌ تیمێن مه‌ هاتنه‌ ئاگه‌هداركرن كۆ لاشێ كه‌سه‌كێ ناڤا ئاڤا خابیرێ زاخۆ دا نێزیكى پرا ده‌لال هاتیه‌ دیتن و تیمێن مه‌ شیان ته‌رمى ژ ئاڤێ ده‌ر ب ئێخن و ره‌وانه‌ى نۆژداریا داد بكه‌ن.


ناڤبرى گۆت ژى ئه‌و ته‌رمێ ل زاخۆ هاتیه‌ دیتن كه‌س نزانیت كیه‌ و خه‌لكێ كیڤه‌یه‌ و ب چ ئه‌گه‌ر كه‌فتیه‌ ناڤا ئاڤێ دا و خه‌ندقیه‌ و ته‌رم بۆ نۆژداریا داد هاتیه‌ ره‌وانه‌كرن تا كۆ ڤه‌كۆلین ل سه‌ر وى ته‌رمى بهێته‌ ئه‌نجام دان و دخازین ل كۆ ده‌مێ گه‌رمێ یه‌ خه‌لك ل جهێن مه‌ترسى و شاره‌زایى نه‌بیت مه‌له‌ڤانیا ئه‌نجام نه‌ده‌ن تا كۆ مه‌ترسى ل سه‌ر گیانێ وان درۆست نه‌بیت.