ئەمشەو فڕۆكەخانەی بەغدا مووشەكباران كرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئەمشەو فڕۆكەخانەی بەغدا مووشەكباران كرا


ئەمشەوی هەینی جارێكی تر چەند مووشەكێكی كاتیۆشا ئاراستەی فڕۆكەخانەی نێودەوڵەتیی بەغدا كرا.


شانەی راگەیاندنی ئاسایشیی عێراق بڵاوی كردەوە ئەمشەو لە ڕێگەی سێ مووشەكی كاتیۆشاوە، فڕۆكەخانەی نێودەوڵەتیی بەغدا كراوەتە ئامانج، مووشەكەكان لە دەرەوەی فڕۆكەخانەكەوە كەوتوونەتە خوارەوە و هیچ زیانێكیان لێ نەكەوتووەتەوە.


شانەكە ئاماژەشی بەوە كردووە كە لە ناوچەی رەزوانیەی باشووری بەغدای پایتەختی فیدراڵییەوە، مووشەكەكان ئاراستەی فڕۆكەخانەكەی شارەكە كراون.


جێی باسە لە سەرەتای ئەمساڵەوە هێرشی مووشەكی بەبێ وەستان دەكرێتە سەر چەند ناوچەیەكی هەستیاری بەغدا، وەكو ناوچەی سەوز و فڕۆكەخانەی نێودەوڵەتی، ئەمانەش وەك بەشێكیان ئاشكرا بووە، بە زۆری لەلایەن میلیشیاكانی حەشدی شەعبیەوە ئەنجام دەدرێن.