ئامێدی.. ل گوندەکێ کریستیانا فرۆکێن تۆرکیا ترۆمبێلەکا پەکەکێ بۆردومانکر
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئامێدی.. ل گوندەکێ کریستیانا فرۆکێن تۆرکیا ترۆمبێلەکا پەکەکێ بۆردومانکر

بەری دەمەکێ کێم، فرۆکەیەکا تورکیا ل ناڤا گۆندێ (ئەرەدنا کریستیانا) ل سنورێ ناحیا بامەرنێ یا سەر ب قەزا ئامێدیێ سەر ب پارێزگەھا دھۆکێ ڤە، ترۆمبێلەکا پارتا کرێکارێن کوردستانێ (پەکەکێ) بۆردومان کر.

حەسەن حەفزولا  مۆختارێ گۆندێ (ئەرەدنا کریستیانا) بۆ (باسنیوز) ئەو چەندە دۆپات کر: "ئەڤرۆ رۆژا ئەینی دەورۆبەرێن دەمژمێر(١١:٤٥) خۆلەک فرۆکێن تورکیا ب دوژاری بۆردومانا ترۆمبێلەکێ کریە ، کۆ ترۆمبێلا چەکدارێن پەکەکێ بوویە و ھاتن و چوون ناڤا گۆندێ ئەرەدنا دا ئەنجام دایە و ئەو گۆندە یێ کۆردێن کریستیانە و د ئەنجام دا ئەو ترۆمبێل ژ ناڤبرن و کۆشتی و بریندار دویڤ خۆ ھێلانە".

مۆختارێ گۆندێ ئەرەدنا کریستیانا هەروسا گۆت، د ئەنجامێ بۆردومانێدا، ٢ چەکدارێن پەکەکێ ھاتینە کۆشتن و ئێک بریندار بوویە و تا ڤێ خۆلەکێ ئاگرێ بۆردومانێ ب ترۆمبێلێ ڤە ھەیە و ژ ترسا گیانێ، مە کۆ چاڤدێریا فرۆکێن تورکیا ل جھێ بوردومانێ بەردەوامە ئەم نەشێن قەستا ترۆمبێلێ بکەین".

بۆردومانا ئەڤرۆ د دەمەکێ دا دھێت کۆ ھەر شەڤا دەربا بووی دا ل سنورێ ناحیا زاویتە ژی فرۆکێن تورکیا ترۆمبێلەکا پەکەکێ ژ ناڤبریە و د ئەنجام دا لدیڤ گوتنا شاھدحالان کۆ ٤ چەکدارێن پەکەکێ ھاتینە کۆشتن و تا نۆکە ژی ھاتن و چوون و بۆردومانا فرۆکێن تورکیا بۆ گوندەوارێن سنوری بەردەوامە.