ئەڤرو سالڤەگەرا چار پەقینێن گرعوزێر و سیبا شێخ خدریە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئەڤرو سالڤەگەرا چار پەقینێن گرعوزێر و سیبا شێخ خدریە

د روژەکێ وەکو ئەڤرۆدا چار ترۆمبیلین مینرێژکری ل سیبا شێخ خدر و گرعزێر ھاتنە پەقاندن دئەنجامدا ژی ھزار کەس برینداربوون و ٣١٤ کەس ھاتنە شەھیدکرن و٤٥ کەس بیێ سەروشێن بوون ".

مەحما خەلیل، قایمقامێ قەزا شنگال بۆ (باسنیوز) دیارکرکو وەکو ئەڤرۆ بەری چەند سالە کارەساتەکا مەزن دا ل ناحیا گرعزێر و کۆمەلگەھا سیبا شێخدر رووێدا کو ل ناحیا گرعزێر دوو ترۆمبێلێن منیریژکری ھاتنە پەقاندن ل کۆمەلگەھا سیبا شێخدر ژی دوو ترۆمبیلێن منیرێژکری ھاتنە پەقاندن ئەڤرۆ سالڤەگەرا ڤان ھەردوو کارەساتیێن دلتەزینا دناڤ ئێزدیان دا ڤێ کارەساتێ دا ھزارەھا وەلاتیێن سڤیل برینداربوون و ٣١٤ کەس ژی شەھید بوون و ٤٥ کەس ژی بیێ سەروشین بوون وسەدان خانیێن وەلاتیان ھاتنە خرابکرن ئەم داخوازی ژ بەغدا دکەین تیرۆرستێن ڤێ تاوانێ ئاشکرا بکەین بدانە دادگەھێ".

مەحما خەلیل ئاشکەرا کرکو:" حکومەتا روخاندیا عێراقی سالە 1975 ئەڤ ھەردوو دەڤەرێن ئێزدیان ئێخستنە ناڤ تەعریبی دا و ژ شنگال ڤەکرن و ئێخستنە سەر بەعاج ڤە نۆکە ئەم داخوازی دکەین جارەکا دێ ئەڤ ھەردوو دەڤەرێن ئێزدیان ڤەگەرنە سەر شنگال ڤە".

خەلەف دەخیل سەیدۆ، بەرپرسێ لیژنا پارتێ ل سیبا شێخدرێ بۆ (باسنیوز) دیارکرکو وەکو ئەڤرۆ بەرێ ١٣ سالە (ل 14-8-2007) تیرۆرستان کارەساتەکا مەزن ب سەرێ ئێزدیان ئێنان کو ٣١٤ کەس بوونە قوربانێ ب سوپاسیڤە حکومەتا ھەرێما کوردستانێ ھەر ٣١٤ کەس ب شەھید ھژمارکرن وکەسێن بریندار ژی ھەموو ل نەخۆشخانەیێن دھۆکێ ھاتنە چارەسەرکرن".