لە سۆران 39 كەسی دیکە تووشی پەتای كۆرۆنا بوون
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە سۆران 39 كەسی دیکە تووشی پەتای كۆرۆنا بوون

قایمقامی قەزای سۆران ڕای گەیاند لە ماوەی 24 كاژمێری ڕابردوو لە سنووری قەزای سۆران 39 كەسی تر تووشی پەتای كۆرۆنا بوون.

كرمانج عزەت، قایمقامی سۆران، بە (باسنیوز)ی ڕاگەیاند: "لە ماوەی 24 كاژمێری ڕابردوو لە سنووری قەزای سۆران لەكۆی 105 پشكنینن، دەرکەوتووە 39 كەس دیکە تووشی ڤایرۆسی كۆرۆنا بوون".

ڕاشی گەیاند: "تووشبووەكان دوویان لە سنووری مێرگەسۆر، یەكیان لە ڕواندز و کەسێکیشی خەڵکی خەلیفانە و ئەوانی دیکەش سەرجەمیان لە نێو سەنتەری شاری سۆرانن و دانیشتووی گەڕەكەكانی "ئازادی، دێلزیان، زۆزك، بارزان، بەختیاری، گوڵان، قەندیل، گەڵاڵە، دلیمان، بەرخودان، گۆڕەز، شۆڕش، باپشتیان، مەجید ئاوا"ن.

قایمقامی سۆران گوتیشی: "بەداخەوە ژمارەی تووشبوان لە شاری سۆران ڕۆژ  لە دوای ڕۆژ لە هەڵكشانە لە هەموو كووچە و كوڵان و ماڵێك تووشبووەیەكی ڤایرۆسی كۆرۆنا هەیە و پێویستە هاووڵاتیان زیاتر خۆپارێزی بكەن".