چەکدارانی داعش لە سنووری كەركووك هاووڵاتییەکیان كوشت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

چەکدارانی داعش لە سنووری كەركووك هاووڵاتییەکیان كوشت

ئەندامێکی ئەنجوومەنی قەزای حەویجەی سەر بە پاریزگای کەرکووک ئاشکرای کرد شەوی ڕابردوو لە گوندێکی ناحیەی (یایجی) چەکدارانی داعش هاوڵاتییەكیان کوشتووە و کەسێکی دیکەشیان بریندار کردووە.

ئەحمەد خورشید، ئەندامی لیژنەی ئەمنی لە ئەنجوومەنی قەزای حەویجە، ئەمڕۆ پێنجشەممە 13/8/2020 بە (باسنیوز)ی راگەیاند: "تیرۆیستانی داعش لە سنووری خۆرئاوای كەركووك دەستیان بە جموجۆڵ كردووەتەوە و شەوی رابردوو لە گوندێکی ناحیەی یایجی کەسێکیان کوشتووە و کەسێکی دیکەشیان بریندار کردووە."

گوتیشی: "شەوی ڕابردوو تیرۆریستانی داعش لە گوندی "بڵاوە"ی سنووری ناحیەی پایجی بە چەكی بێدەنگ، هاووڵاتییەكی تەمەن 41 ساڵیان بەناوی (ف.خ) کوشتووە و یەكێكی تریشیان بریندار کردووە."

راشی گەیاند: "چەكدارەكانی داعش پاش ئەو تاوانە بە ماتۆرسكیل هەڵاتوون."