وەزیرێکی حکوومەتی لوبنان دەست لەکار دەکێشێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وەزیرێکی حکوومەتی لوبنان دەست لەکار دەکێشێتەوە

وەزیرێکی حکوومەتی لوبنان دەست لەکار دەکێشێتەوە و هۆکارەکەی ئاشکرا دەکات.

بەپێی هەواڵی میدیا لوبنانییەکان، ئەمڕۆ یەکشەممە 9-8-2020، خاتوو مەنال عەبدولسەمەد، وەزیری راگەیاندنی لوبنان، دەستی لەکار کێشاوەتەوە.

مەنال عەبدولسەمەد لە بەیاننامەیەکدا، هۆکاری دەست لەکار کێشانەوەی خۆی ئاشکرا کردووە، کە بریتین لە؛

- لە ئاست ویست و داخوازیی لوبنانییەکان نەبووین.

- ئەنجامدانی گۆڕانکاری لە لوبنان بە دوور دەبینین.

- تەقینەوەکەی بەیرووت

رۆژی سێشەممە 4-8-2020، تەقینەوەیەکی بەهێز لە بەندەرێکی بەیرووت رووی دا و بەپێی دوایین ئامار، 157 کوژراو و زیاتر لە پێنج هەزار برینداریان لێکەوتەوە، جگە لە وێرانبوونی بەشێکی شارەکە و تێکچوونی ماڵ و حاڵی زیاتر لە 300 هەزار کەس.

تەقینەوەکە بە گەورەترین تەقینەوەی ناناوکی لەسەر زەوی هەژمار کراوە، چونکە بچووکتر بوو لە تەقینەوە ناوکییەکان و زۆر گەورەتربوو لە تەقینەوە ئاساییەکان.