ره‌وشا هۆنه‌رمه‌ند عه‌بدولا هه‌ركى باش نینه‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ره‌وشا هۆنه‌رمه‌ند عه‌بدولا هه‌ركى باش نینه‌

ئامیرێ هه‌ناسه‌دانێ دێ بۆ هێت دانان

پشتى كۆ د دوو رۆژێن بۆرى دا ، هۆنه‌رمه‌ند عه‌بدولا هه‌ركى ، ل قه‌زا ئاكرێ تووشى په‌تایا كۆرۆنایێ بووى ژ خرابیا ره‌وشا وى بۆ نه‌خۆشخانه‌كا دهۆكێ هاتبو ره‌وانه‌كرن، نها دا ره‌وشا وى خرابه‌ و مه‌ترسى ل سه‌ر ساخله‌میا وى هه‌یه‌.

د.موئه‌یه‌د ئه‌غالى، سه‌رپه‌رشتێ چاره‌سه‌ریێن نه‌خۆشێن په‌تایا كۆرۆنایێ ل دهۆكێ بۆ (باسنیوز) دیاركر: "دلگرانى ڤه‌، ره‌وشا هۆنه‌رمه‌ند عه‌بدولا هه‌ركى یا باش نینه‌ و نها دا مه‌ترسى ل سه‌ر ژیانا وى هه‌یه‌، چونكه‌ پێشبینى دكه‌ین ئامیرێ هه‌ناسه‌دانێ بۆ ب دانین".

سه‌رپه‌رشتێ چاره‌سه‌ریێن نه‌خۆشێن په‌تایا كۆرۆنایێ ل دهۆكێ بۆ (باسنیوز) ئاماژه‌ ب وێ چه‌ندێ ژى دا: "هۆنه‌رمه‌ند عه‌بدولا هه‌ركى به‌ریا دوو رۆژان ل ئاكرێ تۆشى په‌تایا كۆرۆنایێ ببو پشتى كۆ نیشان نك دیار بووین قه‌ستا نه‌خۆشخانێ كربو و پشتى ئه‌نجامدانا پشكنینان دیار بوویه‌ كۆ تووشى په‌تایا كۆرۆنایێ بوویه‌".

د.موئه‌یه‌د ئه‌غالى ئاماژه‌ ب وێ چه‌ندێ ژى دا: "ژ به‌ر كۆ هونه‌رمه‌ند عه‌بدولا هه‌ركى ژبلى نه‌خۆشیا په‌تایا كۆرۆنایێ، هه‌لگرێ نه‌خۆشیا (شه‌كرێ) ژى یه‌، له‌ورا كارتێكرنه‌كا زور یا نه‌رێنى ل سه‌ر ره‌وشا وى بوویه‌ و نها دا ره‌وشا وى باش نینه‌ و مه‌ترسى ل سه‌ر ژیانا وى هه‌یه‌ و ئه‌م پێشبینى دكه‌ین ئامیرێ هه‌ناسه‌دانێ بۆ ئاماده‌ بكه‌ین و هیڤیخوازین زوترین ده‌م ره‌وشا وى و هه‌مى نه‌خۆشان به‌ره‌ڤ باشتربوونێ ڤه‌ بچیت".