قایمقامێ زاخۆ: پلانه‌كا نوو بۆ به‌رهه‌نگاریا نه‌خۆشیا كۆرۆنایێ دهێته‌ دانان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

قایمقامێ زاخۆ: پلانه‌كا نوو بۆ به‌رهه‌نگاریا نه‌خۆشیا كۆرۆنایێ دهێته‌ دانان

قایمقامێ قه‌زا زاخۆ دیاركركو بۆ به‌رهه‌نگاریا نه‌خۆشیا كۆرۆنایێ ل قه‌زا زاخۆ پلانه‌كا نوو دهێته‌ دانان پێخه‌مه‌ت كونترولكرنا كۆرۆنایێ و نه‌هێلانا به‌لاڤبوونا حاله‌تان.

بوتان محسن، قایمقامێ قه‌زا زاخۆ بۆ (باسنیوز) دیاركركو پلانه‌كا نوو بۆ به‌رهه‌نگاریا نه‌خۆشیا كۆرۆنایێ ل قه‌زا زاخۆ دهێته‌ دانان و بریار هاته‌ دان جهه‌ك ل ناڤ نه‌خۆشخانا زاخۆ یا گشتی بۆ حاله‌تێن دژوار یێن كۆرۆنایێ ئه‌وێن پێدڤی ب چاڤدێریا چر هه‌ین بهێته‌ ده‌ستنێشانكرن دێ تاقیگه‌هه‌كا تایبه‌ت ب پشكنینێن كۆرۆنایێ ل زاخۆ هێته‌ دانان زێده‌بارێ كارگه‌هه‌كا نوویا به‌رهه‌مهێنانا ئوكسجینى ل زاخۆ.

ئاشكه‌را كركو دێ ل زاخۆ ده‌ست ب پشكنینن كۆرۆنایێ هێته‌ كرن و تووشبوویێن كۆرۆنایێ ژى ل زاخۆ دناڤ نه‌خۆشخانه‌كا تایبه‌ت دا دهێنه‌ چاره‌سه‌ركرن وهه‌موو ده‌رمان و پێدڤین نۆژدارى بۆ قه‌زا زاخۆ دهێنه‌ دابینكرن بۆ وێ چه‌ندى ده‌ست ب خزمه‌تكرنا خه‌لكێ زاخۆ بهێته‌ كرن".

بوتان محسن، گۆت: " هه‌تا نۆكه‌ تووشبوویێن كۆرۆنایێ خه‌لكێ قه‌زا زاخۆ بۆ دهۆك هاتنه‌ ره‌وانه‌كرن ب مه‌ره‌ما چاره‌سه‌رێ نۆكه‌ ئه‌م یێ هه‌ولده‌ن نه‌خۆشخانه‌ك ل زاخۆ بهێته‌ دابینكرن بۆ چاره‌سه‌ركرنا تووشبوویێن كۆرۆنایێ".