فەیسبووك پۆستێكی ترامپ ڕەش دەكاتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

فەیسبووك پۆستێكی ترامپ ڕەش دەكاتەوە

 

لەلایەن فەیسبووكەوە پۆستێكی سەرۆكی ئەمریكا بە بیانووی ئەوەی لەگەڵ یاساكانی ئەو ماڵپەرە ناگونجێت ڕەشكرایەوە.

دوای ئەوەی دوێنێ چوارشەممە دۆناڵد ترامپ، سەرۆكی ئەمریكا لە هەژماری تایبەتی خۆی لە تۆڕی کۆمەڵایەتیی (فەیسبووک) پۆستێكی لەسەر بەهێزی منداڵان بەرامبەر كۆرۆنا بڵاوكردەوە، هەرزوو ئەم پۆستە لەلایەن (فەیسبووك) ڕەشكرایەوە.

لەم بارەیەوە كۆمپانیای (فەیسبووك) ڕایگەیاندووە كە ترامپ پۆستێكی بڵاوكردۆتەوە لەگەڵ یاساكانی كۆمپانیاكە ناگونجێت و زانیاری هەڵەی تێدایە ئەم زانیارییە هەڵانەش زیانیان بۆ هاووڵاتییان دەبێت هەر بۆیە رەشكراوەتەوە.

شایانی باسە ئەمە یەكەمین جارە لەلایەن (فەیسبووك)ەوە پۆستێكی ترامپ لەسەر كۆرۆنا ڕەش دەكرێتەوە و پێشتر لەلایەن میدیا ئەمریكییەکانەوە رەخنەی زۆری ئاراستەی (فەیسبووك) دەكرا كە نەرمی لە بەرامبەر پۆستەكانی ترامپ دەنوێنێت.