دەربەندیخان.. ڕووداوێکی هاتوچۆ نۆ قوربانیی لێ كەوتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

دەربەندیخان.. ڕووداوێکی هاتوچۆ نۆ قوربانیی لێ كەوتەوە

شەوی ڕابردوو لەسەر ڕێگای قەزای دەربەندیخان ئۆتۆمبێلێک وەرگەڕاوە و بەو هۆیەوە کەسێک گیانی لەدەست داوە و ٨ کەسی دیکەش بریندار بوون.

كەمال ئەحمەد، بەرپرسی ڕاگەیاندنی نەخۆشخانەی شەهید رەئووف بەگ، لە قەزای شارەزوور ئەمڕۆ پێنجشەممە 6/8/2020 بە (باسنیوز)ی راگەیاند: "درەنگانی شەوی رابردوو تەمی هاووڵاتییەكی تەمەن 25 ساڵ بەناوی (ی. ح) هێنرایە نەخۆشخانەكەمان كە بەهۆی رووداوی هاتوچۆوە گیانی لەدەست دابوو، هاوكات ژمارەیەك برینداریش هەبووە، بەڵام رەوانەی نەخۆشخانە كراون."

رێژەن بورهان، بەرێوەبەری پۆلیسی هاتوچۆی دەربەندیخان، بە (باسنیوز)ی راگەیاند: "بەداخەوە لە نێوان قەزای دەربەندیخان و شارەزوور لە نزیك  گوندی "مچە كوێر" ئۆتۆمبێلێك وەرگەڕاوە و بەو هۆیەوە شۆفێری ئۆتۆمبێلەكە گیانی لەدەست داوە و 8 سەرنشینیش بریندار بوون و بریندارەکان بەهۆی سەختی برینەكانیانەوە رەوانەی شاری  سلێمانی كراون."