هۆنه‌رمه‌ند عه‌بدولا هه‌ركى تۆشى كۆرۆنایێ بوو
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هۆنه‌رمه‌ند عه‌بدولا هه‌ركى تۆشى كۆرۆنایێ بوو


هۆنه‌رمه‌ندێ به‌رنیاس یێ ده‌ڤه‌را به‌هدینان و خه‌لكێ قه‌زا ئاكرێ، عه‌بدولا هه‌ركى تۆشى په‌تایا كۆرۆنایێ بوو.


سه‌باح زۆهێر په‌یڤدارێ ساخله‌میا قه‌زا ئاكرێ داخۆیانیه‌كێدا بۆ (باسنیوز) گۆت "دۆهى رۆژا سێشه‌مبى، هونه‌رمه‌ند عه‌بدولا هه‌ركى قه‌ستا نه‌خۆشخانا ئاكرێ كریه‌ كۆ هنده‌ك نیشنانێن په‌تایا كۆرۆنایێ لنك وى دیار بوونه‌ و بۆ پشت راست بوون قه‌ستا نۆژداران كریه‌ و پشكین بۆ هاتنه‌ كرن و دویڤ دا ل جهه‌ك تایبه‌ت ل نه‌خۆشخانێ هاتیه‌ ڤه‌حه‌واندن تا كۆ ئه‌ڤرۆ پشكنینێن وى ده‌ركه‌فتین كۆ تۆشى په‌تایا كۆرۆنایێ بوویه‌".


په‌یڤدارێ ساخله‌میا قه‌زا ئاكرێ داخۆیانیه‌كێدا بۆ (باسنیوز) دیاركر ژى ئه‌ڤرۆ پشكنینێن هونه‌رمه‌ند عه‌بدولا هه‌ركى ده‌ركه‌فتنه‌ وئه‌نجامێ (پۆزه‌تیڤ) دیار بوویه‌ و گۆت ژى: نها دا ل نه‌خۆشخانا ئاكرێ یه‌ و دێ بۆ نه‌خۆشخانا تایبه‌ت یا كۆرۆنایێ ل دهۆكێ هێته‌ ڤه‌گۆهاستن.


هونه‌رمه‌ند عه‌بدولا هه‌ركى، ئێك ژ هونه‌رمه‌ندێن به‌رنیاس یێن ده‌ڤه‌را به‌هدینانه‌، خه‌لكێ قه‌زا ئاكرێ یه‌، خۆدان سه‌دان سترانێن تۆماركرى یه‌ و پشتى دوهى قه‌ستا نه‌خۆشخانا ئاكرێ كرى بۆ ئه‌نجامدانا پشكنینێن په‌تایا كۆرۆنایێ، ئه‌ڤرۆ پشكنینێن وى دیار بوونه‌ كۆ تۆشى په‌تایا كۆرۆنایێ بوویه‌.