رۆژبین كزل و فه‌هیمایێ سترانه‌ك نۆى به‌لاڤ كرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

رۆژبین كزل و فه‌هیمایێ سترانه‌ك نۆى به‌لاڤ كرن

 رۆژبین كزل، كچه‌ سترانبێژه‌كا كورده‌ و ل وه‌لاتێ ئه‌لمانیا ئاكنجى یه‌، رۆژبین و خۆیشكا خۆ فه‌هیمانیێ د رۆژێن بۆریدا، كلیپه‌ك نوو ب ناڤ و نیشانێ (ده‌ردێ شرینێ)  پێشكێشى هەڤادا‌رێن ده‌نگێ خۆ كرینه‌.

زانا كزل، بابێ رۆژبین و فه‌هیمایێ و د هه‌مان ده‌مدا رێڤه‌به‌رێ كارێن وان یێن هونه‌رىیه‌ داخویانیه‌كێ دا بۆ (باسنیوز) دیار كر: "د رۆژێن بۆریدا، هه‌ردوو كچێن كورد رۆژبین و فه‌هیمایێ نویترین كلیپا خۆ پێشكێشى هەڤادارێن ده‌نگێ خۆ كریه‌ و گۆت ژى: كلیپه‌ك نوو ب ناڤ و نیشانێ (ده‌ردێ شرینێ) رۆژبین و فه‌هیمایێ به‌لاڤ كریه‌ و ئه‌و كلیپه‌ ده‌ربرینێ ژ ڤیانا گه‌نجه‌كێ دكه‌ت".

بابێ رۆژبین و فه‌هیمایێ ئه‌و چه‌نده‌ ژى بۆ (باسنیوز) گۆت: "ئه‌و سترانه‌ ژ په‌یڤ و ئاوازێن رۆژبینێ بوینه‌ و ژ مۆزیكا كه‌مانێ هه‌ر خویشكا وان ئارژینێ ئاماده ‌كریه".

 دیار كر ژى: "ئه‌ز وه‌كه‌ بابێ وان ئێكه‌م پشته‌ڤانێ كارێن وان یێن هونه‌رى مه‌ و تۆماركرنا ڤیدیویێ ژلایێ من ڤه‌ هاتیه‌ ئه‌نجامدان و ل وه‌لاتێ ئه‌لمانیا ئه‌و كلیپه‌ هاتیه‌ تۆماركرن".

زانا كزل، بابێ رۆژبین و فه‌هیمایێ ب رێكا (باسنیوز) ئاماژه‌ ب وێ چه‌ندێ ژى دا: "هه‌ر چه‌نده‌ رۆژبین د ژیه‌كێ بچویكدا یه‌ ، لێ مه‌ باوه‌رى پێ هه‌یه‌ دێ وه‌كه‌ ستێره‌كا مه‌زن د هونه‌رێ كوردى دا دیار بیت و دێ هه‌ولده‌ین ل داهاتى دا بشێن هند كارێن باشتر ئه‌نجام بده‌ین و ئه‌گه‌ر ده‌رفه‌ت درۆست بیت و ره‌وش ئارام بیت دێ قه‌ستا هه‌رێما كوردستانێ كه‌ین بۆ ئه‌نجامدانا چه‌ند كاران و به‌رى نها ژى مه‌ قه‌ستا كوردستانێ كریه‌ و هژماره‌كا كارێن هونه‌رى ئه‌نجام داینه"‌.

هه‌ژى دیاركرنێ یه‌، "رۆژبین كزل، ژدایك بوویا سالا 1999 یه‌، كچه‌ك كوردا خه‌لكا باكۆرێ كوردستانێ یه‌، ل وه‌لاتێ ئه‌لمانیا ژیانا خۆ ده‌رباز دكه‌ت، ده‌ما (5) سالا یه‌  هاتیه‌ ناڤا هونه‌رێ كوردا دا و خۆدانا 12 كلیپا و زێده‌تر ژ 50 سترانێن تۆماركرى یه‌ و دوماهى كلیپا وێ ب ناڤ و نیشانێ (ده‌ردێ شرینێ) هاتیه‌ به‌لاڤكرن".