بەوێنە.. هونەرمەندێكی كورد بە ئیشکردن لەسەر دار بەرهەمی جۆراوجۆر دەخولقێنێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەوێنە.. هونەرمەندێكی كورد بە ئیشکردن لەسەر دار بەرهەمی جۆراوجۆر دەخولقێنێت

هونەرمەند یەدوڵا خادمی، کە هونەرمەنێکی دارتاش و پیشەی دەستە لە شاری سنە، بە ئیشکردن لەسەر دار (ناسک‌کاری) بەرهەمی جۆراوجۆر و سەرنجڕاکێشی خولقاندووە.

هونەرمەند یەدوڵا خادمی، لە گوندی (كەژیكەران)ی سەر بە شاری سنە هاتووەتە دونیاوە و ئیستا لە شاری سنە سەرقاڵی كاری هونەری جوانکاری و پیشەی دەستە لەسەر دار و لەوێ دەژیت.

وەك هونەرمەند خۆی ئاماژەی بۆ كرد لە ساڵی ١٩٨١ەوە كە ئەوكات تەمەنی ٩ ساڵان بووە، دەستی بەم كارە هونەرییە كردووە و لە ماوەی ئەو چەند ساڵی ڕابردوودا ژمارەییەكی زۆر لە كچ و كوڕانی كوردی لە شاری سنەی فێری ئەم كارە هونەرییە كردووە و ئیستا بژیویان لەسەر ئەم كارە هونەرییەیە.

هونەرمەند یەدوڵا خادمی لە چەندین شاری جیاجیای ئێران و لە ساڵی ١٩٩٥ لە باشووری كوردستان پێشانگەی بۆ کارە هونەرییەکانی كردووەتەوە.

شاری سنە لە ئاستی ئێراندا بە یەکێک لە ناوەند و سەنتەرەکانی پیشەی دەستی و هەڵکۆڵینی دار (ناسک‌کاری) دادەنرێت و بە دەیان هونەرمەندی ناودار لەو شارە هەڵکەوتوون کە نەتەنیا لە کوردستان و ئێران، بەڵکوو لە ئاستی ئێراندا ناسراون، کەسانێکی وەک: عەلی‌ئەکبەر بێهزادیان، نێعمەتیان، تەوفێق مەحموودی، سابیر و عەلیڕەزا مەحموودی و دەیان کەسی دیکە لەم بوارەدا کاریان کردووە و بوونەتە بەشێک لە ناسنامەی هونەریی ئەو شارە.