لە دهۆک تووشبوویەکی دیکەی پەتای کۆرۆنا گیانی لەدەست دا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە دهۆک تووشبوویەکی دیکەی پەتای کۆرۆنا گیانی لەدەست دا

هەتا ئێستا لە دهۆک پێنج کەس بەهۆی کۆرۆناوە گیانیان لەدەست داوە

گوتەبێژی بەڕێوەبەرایەتیی گشتیی تەندروستیی پارێزگای دهۆک ئاشکرای کرد ئەمڕۆ سێشەممە ژنێکی خەڵکی زاخۆ و تووشبووی پەتای کۆرۆنا لە دهۆک گیانی لەدەست داوە.

لەمبارەوە حەمزە ڕەزیکی، گوتەبێژی بەڕێوەبەرایەتیی گشتیی تەندروستیی پارێزگای دهۆک بە (باسنیوز)ی ڕاگەیاند: "ئەمڕۆ سێشەممە 2020.8.4 تووشبوویەکی پەتای کۆرۆنا کە ژنێکی تەمەن 63 ساڵی خەڵکی زاخۆ بووە، لە نەخۆشخانەی دهۆک گیانی لەدەست داوە".

ئاماژەی بەوەش کرد: "ئەو ژنە تووشبووە بە پەتای کۆرۆنا، ماوەی یەک حەفتە بووە باری تەندروستیی تێک چووە و ئامێری هەناسەدانی دەسکردی بۆ بەکار هێنراوە، سەرەنجام ئەمڕۆ لە نەخۆشخانەی چارەسەکردنی کۆرۆنا لە دهۆک گیانی لەدەست داوە".

حەمزە ڕەزیکی، گوتیشی: "ئەمە پێنجەم حاڵەتی گیانلەدەستدانە کەلە پارێزگاری دهۆک بەهۆی پەتای کۆرۆناوە تۆمار دەکرێت"

گوتەبێژی بەڕێوەبەرایەتیی تەندروستیی پارێزگای دهۆک ڕاشی گەیاند داوا لە هاووڵاتیان دەکەین بۆ پاراستنی ژیانی خۆیان و بەنماڵەکانیان، پابەندی ڕێنماییە تەندروستییەکان بن.

بەهۆی زیادبوونی حاڵەتی تووشبوونی هاووڵاتیان بە پەتای کۆرۆنا لە پارێزگای دهۆک، ژووری ئۆپەراسیۆنی بەرەنگاربوونەوەی پەتای کۆرۆنا لەو پارێزگایە دەوامی فەرمیی دامودەزگا حکومییەکانیان هەتا ١٥ی مانگ لە دهۆک کردووەتە پشوو.