ئێران گوند و كوێستانەكانی سیدەكانى تۆپباران كرد
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئێران گوند و كوێستانەكانی سیدەكانى تۆپباران كرد


فڕۆكەیەكی بێفڕۆكەوان خانوویه‌كی لە گوندی دێگەی سەر بە ناحیەی سمیلان كردە ئامانج، تا ئێستاش زانیاری له‌باره‌ى خانووه‌كه‌ ئاشكرا نه‌كراوه‌.

شاخەوان حوسێن، بەڕێوەبەری ناحیەی سمیلان بە كه‌ناڵى (كوردستان 24) ڕاگەیاندووه‌: "فڕۆكەیەكی بێفڕۆكەوان خانوویه‌كی لە گوندی دێگەی سەر بە ناحیەی سمیلان كردە ئامانج".

په‌یامنێرى كه‌ناڵه‌كه‌ باسى له‌وه‌ كردووه‌: "تا ئێستا زانیاری لەبارەی ئەو خانووە ئاشكرا نەكراوە كە ھی ھاووڵاتییانە، یان بارەگای لایەنێكی سیاسی بێت، شوێنەكە زیاتر لە 30 كیلۆمەتر لە ناوچەی سنووری نێوان ھەرێمی كوردستان و ئێران دوورە".

ئیحسان چەلەبی، بەڕێوەبەری ناحیەی سیدەكان بە كه‌ناڵه‌كه‌ى ڕاگه‌یاندووه‌: "تۆپخانەكانی ئێران كوێستانی بەرزین و گوندەكانی كەتینە و بن پەرێز لە سنووری ناحیەی سیدەكان تۆپباران دەكەن، بەو ھۆیەوه‌ ئاگر لە پووش و پاوانی ناوچەكە كەوتووەتەوە".

بەڕێوەبەری ناحیەی سیدەكان ئاماژه‌ى به‌وه‌ش داوه‌: "ئەو ناوچانەی كەوتوونەتە بەر تۆپبارانی ئێران، شوێنی نیشەجێبوونی جووتیار و مەڕدارەكانە و تا ئێستا تۆپباران بۆ سەر ئەو ناوچانە بەردەوامە".