زانیارى ل سه‌ر ره‌وشا كۆرۆنایێ ل دهۆكێ
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

زانیارى ل سه‌ر ره‌وشا كۆرۆنایێ ل دهۆكێ

 

به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ دیاركركو رۆژانە حاله‌تێن كۆرۆنایێ ل ناڤ باژێرى یێن زێده‌ دبن. نۆكه‌ ژ هه‌موو ده‌مه‌كێ دى زێده‌تر مه‌ترسیا به‌لاڤبوونا كۆرۆنایێ هه‌یه.‌

حه‌مزه‌ ره‌زیكى، به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ بۆ (باسنیوز) دیاركركو: "هه‌تا ئه‌ڤرۆ 3/8/2020ێ ل دهۆكێ 658 تووشبوویێن كۆرۆنایێ هاتینه‌ تۆماركرن. ژوانا ژى هه‌تا نۆكه‌ 371 تووشبوویێ یێن هاتینه‌ چاره‌سه‌ركرن نۆكه‌ 284 تووشبوویێ دناڤ نه‌خۆشخانێ دا ماینه‌ سێ حاله‌تێن گیانى ژ ده‌ستدانێ ژى ژبه‌ر نه‌خۆشیا كۆرۆنایێ ل دهۆكێ هاتینه‌ تۆماركرن. ئه‌ڤ تووشبوویێن دهێنه‌ ده‌ستنێشانكرن هنده‌ك ژوان نیشان هه‌نه‌ قه‌ستا دام و ده‌زگه‌هێن ساخله‌میێ دكه‌ن و هنده‌ك ژى تووشبوویێن به‌ركه‌فتیێن كۆرۆنایێ نه‌ و هنده‌ك ژ پارێزگه‌هێن دی یێن عێراقى یێن هاتینه‌ دهۆكێ".

ئاشكه‌را كركو: "ل رۆژێن بۆرێدا هژمارا تووشبوویێن كۆرۆنایێ رێژه‌كا به‌رچاڤ زێده‌بووینه‌ له‌ورا ژى پێدڤیە وه‌لاتی هه‌ڤكاربن دمالێن خۆ دا بمینن‌، هه‌ر كه‌سه‌كێ نیشانه‌ك ده‌ڤ هه‌بیت قه‌ستا دام و ده‌زگه‌هێن ساخله‌میێ بكه‌ت داكو زێده‌تر به‌لاڤ نه‌بیت ژبه‌ركو نۆكه‌ دهۆك یا مه‌ترسیه‌كا مه‌زن دایه‌ ژبه‌ر به‌لاڤبوونا نه‌خۆشیا كۆرۆنایێ".