پەرلەمانتارێک: پەکەکە باج و سەرانە لە خەڵکى ناوچە سنوورییەکان وەردەگرێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پەرلەمانتارێک: پەکەکە باج و سەرانە لە خەڵکى ناوچە سنوورییەکان وەردەگرێت

پەرلەمانتارێکی فراکسیۆنی پارتی دیموکراتی کوردستان لە پەرلەمانی کوردستان ئاشکرای دەکات کە لە ناوچە سنوورییەکانى هەرێم چەکدارانى پەکەکە بازگەیان داناوە و بە زۆر باج و سەرانە لە هاووڵاتیان وەردەگرن.

د.رێبوار بابکەیى، بە(باسنیوز)ى راگەیاند: " دواى ئەنجامدانى لێکۆڵینەوەکان و سەردانى مەیدانیمان بۆ ناوچە سنوورییەکان، گەیشتینە ئەو ئەنجامەى کە چەکدارانى پەکەکە لەو ناوچانەى بنکە و بارەگایان هەیە بازگەی نایاساییان لە نێو خاکى هەرێمى کوردستان داناوە و بە زۆر باج و سەرانە لە هاووڵاتیانى ئەو ناوچانە وەردەگرن".

راشیگەیاند: "خەڵکى نیشتەجێى ناوچە سنوورییەکان زۆرینەیان بژێوى ژیانیان لەسەر کشتوکاڵ و ئاژەڵدارییە و رەنج و ماندوبوونێکى زۆر دەکێشن تا بەروبوومەکانیان پێدەگات، بەڵام لەکاتى پێگەیشتنى بەوبوومەکانیان چەکدارانى پەکەکە بەزۆر رێژەیەک لەو بەرهەمەیان لێدەسەنن و هیچ کەسێک ناتوانێ نەیدات".

ئەوەشى خستەڕوو" بۆ هەر بەروبوومێکیش رێژەى 3%یان داناوە، بۆ نموونە لە سەد سەر بزن و مەڕ سێ سەر وەردەگرن، بەهەمان شێوە لە بەروبوومەکانى دیکەش، ئەمە جگە لەوەى خۆشترین و بەپیتترین ناوچە کوێستانییەکانى کوردستان لە ترسى شەڕى پەکەکە و تورکیا چۆڵکراوە، چەندین هاووڵاتیش شەهید و بریندار بوونە و سەدان گوند و دێهات چۆڵکراون و رەز و باغ سووتاون".