"بە هۆى شەڕى تورکیا و پەکەکە و تۆپبارانى ئێرانەوە زیاتر لە 600 گوند چۆڵکراون"
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

"بە هۆى شەڕى تورکیا و پەکەکە و تۆپبارانى ئێرانەوە زیاتر لە 600 گوند چۆڵکراون"

ئەندامێکى پەرلەمانى کوردستان رایگەیاند بەهۆى شەڕى تورکیا و پەکەکە و تۆپبارانى ئێران بۆ سەر ناوچە سنورییەکانى هەرێمی کوردستان،زیاتر لە 600 گوند چۆڵکراون و دەیان هاووڵاتى شەهید و هەزارانیش ماڵ و حاڵیان جێهێشتوە.

د.رێبوار بابکەیى، سەرۆکى لێژنەى پەرلەمان بۆ ناوچە سنورییەکان لە پەرلەمانی کوردستان بە(باسنیوز)ى راگەیاند: "ماوى چەندین ساڵە هاووڵاتیانى سڤیلى هەرێمی کوردستان دەبنە قوربانى سیاسەتى چەوتى پەکەکە و تۆپبارانى وڵاتانى دراوسێ، بەمەش سەدان هاووڵاتى شەهیدبوون و هەزاران خێزان ماڵ و حاڵیان جێهێشتووە، ئەمە جگە لە سووتانى سەدان هەزار دۆنم زەوى رو ڕەز و باخ و باخچەى گوندنشینانى ناوچە سنورییەکان و لەناوچوونى هەزاران سەر ئاژەڵ و مێش هەنگوین و چەندین بەروبوومى دیکەى کشتوکاڵى".

راشیگەیاند: "تەنیا لە سنوورى قەزای مێرگەسۆر لەکۆى 73 گوند 55 گوند چۆڵکراون، لە سنوورى ناحیەى سیدەکان زیاتر لە 104 گوند چۆڵکراون و لە قەزاى چۆمان 15 گوند چۆڵکراون، لە سنوورى پارێزگاى دهۆکیش زیاتر لە 500 گوند بەهۆى شەڕى نێوان تورکیا و پەکەکە چۆڵکراون".

ئاماژەى بە ئەوەش کرد" لە هەندێ شوێنى ناوچە سنوورییەکانى پارێزگاى دهۆک، سوپاى تورکیا 15 بۆ 20 کیلۆمەتر سنورى هەرێمى کوردستانى بەزاندووە، لە هەندێ ناوچەى دیکە 30 بۆ 35 کیلۆمەتر، ئەمە جگە لەوەى چەکدارانى پەکەکە زیاتر لەو رووبەرە شۆڕبوونەتەوە ئاوەدانییەکان و چالاکییە سەربازییەکانیان گواستووەتەوە ناو جەرگەى خەڵک،بەمەش پەکەکە بەهانەى تۆپبارانکردنى ناوچەکە دەداتە سوپاى تورکیا"