حەشدی شەعبی لەبارەی چالاكوانە ئەڵمانیەكە بەدرۆ دەخرێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

حەشدی شەعبی لەبارەی چالاكوانە ئەڵمانیەكە بەدرۆ دەخرێتەوە


ئەمڕۆ یەكشەممە میدیاكانی عێراق چەند بەڵگەنامەیەكیان بڵاوكردەوە بۆ بەدرۆخستنەوەی تۆمەتەكانی میلیشیاكانی حەشدی شەعبی كە بۆ هیلا میفیس چالاكوانە ئەڵمانیەكەی بەغدا هەڵیانبەستبوو.


رۆژی هەینیی رابردوو كچە چالاكوانی ئەڵمانی هیلا میفیس كە لەلایەن هێزێكی حەشدی شەعبیەوە رفێنرابوو، دوای سێ رۆژ ڕزگار كرا.


میفیس چالاكوانێكی ئەڵمانیە و هەفتەی رابردوو لەلایەنی هێزێكی حەشدی شەعبییەوە رفێنرا، بە بیانووی ئەوەی بە نایاسایی هاتووەتە عێراق.


لەمبارەیەوە دوای ئازادكردنی لەلایەنی هێزێكی پۆلیسی عێراقییەوە، میدیاكان ژمارەیەك بەڵگانامەی فەرمی ئەو چالاكوانەیان بڵاوكردەوە، كە دەیسەلمێنێ چالاكوانەكە بە یاسایی هاتووەتە عێراقەوە.


لەمبارەیەوە رەخنەی زۆر لە حكوومەتی مستەفا كازمی سەرۆك وەزیران گیراوە كە هیچ دەسەڵاتێكی نییە بەسەر میلیشیاكانی حەشدی شەعبی، بەڵكو میلیشیاكان دەستیان بەسەر تەواوی جومگەكانی دەوڵەتدا گرتووە و كازمی لەژێر هەژموونی ئەواندا كار دەكات.