ماوەی ١٠ ڕۆژە كادیرێكی هەدەپە لە سلێمانی بێسەروشوێنە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ماوەی ١٠ ڕۆژە كادیرێكی هەدەپە لە سلێمانی بێسەروشوێنە

هەدەپە: سەردانی یەكێتی و ئاسایشی سلێمانیمان كردووە بەڵام چارەنووسی ئەندامەكەمان نادیارە

ماوەی ١٠ رۆژە کرێکارێکی خەڵکی باکووری کوردستان كە نیشتەجێی شاری سلێمانییە، بێسەروشوێنە، نوێنەری هەدەپە لە هەرێمی کوردستان ئاشکرای دەکات، سەردانی یەکێتیی نیشتمانیی كوردستان و ئاسایشی سلێمانییان کردووە، بەڵام چارەنووسی ئەندامەکەیان هێشتا نادیارە.

بەپێی زانیارییەكانی (باسنیوز)، ماوەی ١٠ ڕۆژە، كەسێكی خەڵكی باكووری كوردستان كە لە سلێمانی نیشتەجێیە، بێسەروشوێنە و كەسوكارەكەی و هاوڕێكانی زانیارییان لەسەر چارەنووسی نییە.

لەمبارەیەوە عابد ئیکە، نوێنەری پارتی دیموكراتی گەلان (هەدەپە) لە هەرێمی کوردستان بە (باسنیوز)ی راگەیاند، بۆ چارەنووسی ئەو ئەندامەیان داوایان لە ئاسایشی سلێمانی کردووە کە هاوکارییان بکات لە دۆزینەوە و ئاشکراکردنی.

ڕوونیشی كردەوە، ئەو كەسە ناوی عەلی ئەحمەد قەیارەیە، ”ئەندامی چالاکی ئێمەیە و بۆ ئەو بابەتە سەردانی یەکێتی و ئاسایشی سلێمانیمان کردوە، بەڵام تاوەکوو ئێستا چارەنووسی نادیارە“.

بەپێی زانیارییەكانی (باسنیوز)، عەلی ئەحمەد خەڵکی شاری سێرتی باکووری كوردستانە، ماوەی نۆ ساڵە هاتووەتە هەرێمی کوردستان و کرێکاری دەکات، بەپێی زانیارییەکان، لە دەوروبەری كاتژمێر ٧ی بەیانی لە رۆژی ١٥ی تەمووزی ٢٠٢٠ دیارنەماوە و تەلەفۆنەکەشی داخراوە.