وەزارەتی رۆشنبیریی عێراق ژمارەیەک شوێنەواری عێراق و باشووری کوردستان دەخاتە لیستی کەلەپووری جیهانی.
بەپێی هەواڵی میدیا عێراقییەکان، ئەمڕۆ شەممە 20-6-2020 حەسەن نازم، وەزیری رۆشنبیریی عێراق رایگەیاندووە، وەزارەتەکەی لە هەوڵ دایە بۆ ئەوەی 11 شوێنەواری عێراقی و کوردستانی، بخرێنە ناو لیستی کەلەپووری جیهانی.
لیستی کەلەپووری جیهانی لەلایەن رێکخراوی نەتەوە یەکگرتووەکان بۆ پەروەردە، زانست و رۆشنبیری (یونسکۆ) پۆلین دەکرێت و ناوی ئەو شوێنەوارە مێژووییانە لەخۆ دەگرێ، کە تەمەنیان لە 100 ساڵ تێپەڕیوە.
ناوی ئەو 11 شوێنەوارەی وەزارەتی رۆشنبیریی عێراق کاریان لەسەر دەکات بۆ ئەوەی ببنە کەلەپووری جیهانی.
شوێنەوارە کوردستانییەکان:
- دەروازەی ئامێدی لە پارێزگای دهۆک
- قەڵای کەرکووک لە پارێزگای کەرکووک
شوێنەوارە عێراقیەکان:
- دەریای نەجەف
- گۆڕاستانی وادی نەجەف
- کەناری کۆنی دیجلە لە بەغدا
- شەقامی رەشید لە بەغدا
- شاری نەفەری مێژوویی لە پارێزگای قادسییە
- شاری واستی ئیسلامی
- نەمروود لە نەینەوا
- منارەی عینە لە پارێزگای ئەنبار
- رێگای کۆنی حەج لە نێوان کوفە و رووگەی مسوڵمانان (لە مەککەی سعودیە).