بەڕێوەبەری گشتی کشتوکاڵی گەرمیان دەستپێکردنی پرۆسەی وەرگرتنی گەنمی جووتیارانی لەسنووری گەرمیان ڕاگەیاند.
شادیە حسێن، بەڕێوەبەری گشتی کشتوکاڵی گەرمیان، بە (باسنیوز) ی ڕاگەیاند "ڕۆژی سێشەممە ١٦/٦/٢٠٢٠ لە گەرمیان بنکەی وەرگرتنی گەنم بەڕووی جووتیارانی سنووری گەرمیاندا کرایەوە".
گوتیشی: "بۆ ئەمساڵ لەلایەن وەزارەتی بازرگانیی عێراقەوە ٣٩٠ هەزار تۆن گەنمی جووتیارانی هەرێمی کوردستان وەردەگیرێت، لەو ڕێژەیەش گەرمیان بڕی ٣٥ هەزار تۆنی بەردەکەوێت".