بەڕێوەبەری نەخۆشخانەی گشتیی كەلار تایبەت بە كۆرۆنا لە کەلار چاكبوونەوەی نۆزدە تووشبووی دیكەی ڤایرۆسی كۆرۆنای لە سنووەکە ڕاگەیاند.
د. هاوار وشیار، بەڕێوەبەری نەخۆشخانەی گشتیی كەلار تایبەت بە كۆرۆنا، بە (باسنیوز) ی ڕاگەیاند: "19 تووشبووی دیكەی ڤایرۆسی كۆرۆنا لە گەرمیان پاش وەرگرتنی چارەسەری پزیشكی چاك بوونەتەوە و گەڕێندرانەوە بۆ ماڵەوە".
گوتیشی "تا ئێستا 50 تووشبووی ڤایرۆسەكە چاك بوونەتەوە و نەخۆشخانەیان بەجێ هێشتووە".
بەڕێوەبەری نەخۆشخانەی گشتیی كەلار تایبەت بە كۆرۆنا ڕوونی كردەوە: "ژمارەی تووشبوان بەردەوام لە زیادبووندایە و بە زۆریش دۆخی تەندروستییان جێگیرە، جگە لە چەند حاڵەتێكی كەم، کە دۆخی تەندروستییان تاڕادەیەك جێگیر نییە".