كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

گەرمیان.. پێنج تووشبووی دیکەی ڤایرۆسی کۆرۆنا چاک بوونەوە


به‌رێوه‌به‌رى گشتى ته‌ندروستى گه‌رمیان چاكبوونه‌وه‌ى پێنج تووشبووى دیكه‌ى ڤایرۆسی كۆرۆناى له‌سنوورى گه‌رمیان راگه‌یاند.

دكتۆر سیروان محه‌مه‌د، به‌ڕێوه‌به‌رى گشتى ته‌ندروستى گه‌رمیان ڕایگەیاند: "5 تووشبووى دیكه‌ى ڤایرۆسی كۆرۆناى نوێ چاكبوونه‌ته‌وه‌ و له‌ نه‌خۆشخانه‌ى گشتى كه‌لار تایبه‌ت به‌كۆرۆنا ده‌رده‌چن".

گوتیشی: "22 تووشبووى دیكه‌ش به‌ره‌و چاره‌سه‌رى ته‌واو ده‌چن و به‌منزیكانه‌ نه‌خۆشخانه‌ به‌جێده‌هێڵن".

به‌ڕێوه‌به‌رى ته‌ندروستى گه‌رمیان ئاماژه‌ به‌وه‌ده‌دات "سه‌رجه‌م پشكنینه‌كان له‌ته‌ندروستى گه‌رمیان و له‌لایه‌ن ستافى به‌ڕێوه‌به‌رایه‌تییه‌كه‌وه‌ ئه‌نجامدراون".

چاكبوونه‌وه‌ى ئه‌و تووشبوانه‌ له‌كاتێكدایه‌ شه‌وى پێنجشه‌ممه‌ 11/6/2020 وه‌زاره‌تى ته‌ندروستى حكوومه‌تى هه‌رێمى كوردستان، تۆماركردنى 180 حاڵه‌تى دیكه‌ى تووشبوون به‌ڤایرۆسی كۆرۆناى له‌هه‌رێمى كوردستان ڕاگه‌یاند كه‌ 19 تووشبوویان له‌سنوورى گه‌رمیانن.