كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ئاكرێ‌.. ئەڤساڵە پێشبینیا بەرهەمئینانا 9 هزار تەنێن شفتیا دهێتە كرن 

دەڤەرا ئاكرێ‌ ساڵانە هەموو جۆرێن چاندنێ‌ ژلایێ‌ جۆتیاران ڤە دهێتە بەرهەمئینان و دوو ساڵە رێژەكا باش بەرهەمێ شفتی دهێتە چاندن و نۆكە بەرهەمێ‌ پێگەهشتنا شفتیە ل دەڤەرا ئاكرێ‌ و بەرهەمێ‌ زۆر كەفتیە بازارێ.

سەباح عەبدوڵا، جۆتیارەكێ‌ دەڤەرا ئاكرێیە بۆ (باسنیوز) گۆت: "ئەڤساڵە تام و رەنگ و جۆرێ‌ بەرهەمێ‌ شفتی زۆر جوداترە ژ ساڵێن بۆری ژبەركۆ ئەڤساڵە مە ب شێوەیەكێ‌ ئەندازیاری شفتی چاندن و سەخبێركرن و دەرمان لێدان لەورا بەرهەمێ‌ وێ‌ زۆرێ‌ باشە و ل هەموو ساڵێن بۆری باشترە".

حاجی ئازاد ، نوێنەرێ‌ جۆتیاران ل گومركا فرۆتنا بەرهەمێن كەسكاتی ل ئاكرێ‌ بۆ (باسنیوز) راگەهاند: "ساڵ بۆ ساڵێ بەرهەمێ‌ جۆتیاران زێدە دبیت و ئەڤساڵە بەرهەمێ‌ شفتی و خیارو تەماتا زۆربوو بەلێ‌ ژبەر نەبوونا رێكا و قەدەغەیا هاتنوچوونێ‌ وەك پێدڤی نەهاتە فرۆتن و لەورا نۆكە دەمێ‌ پێگەهشتنا بەرهەمێن ناڤخۆیە. دخوازین زێدەتر هاریكاریا جۆتیاران بهێتە كرن".

ئەحمەد جەمیل، رێڤەبەرێ‌ چاندنا ئاكرێ‌ بۆ (باسنیوز) راگەهاند: "ساڵانە چاندن و بەرهەمئینانا بەرهەمێن خۆماڵی زێدەتر دبیت ژلایێ‌ جۆتیاران ڤە. ساڵا 2019 ێ‌  رووبەرێ‌ 2230 دۆنەم ب شفتی هاتبوونە چاندن و 8120 تەن شفتی هاتە بەرهەمئینان بەلێ‌ ئەڤساڵە رێژە زۆر تر بووە. پێشبینی د هێتە كرن بەرهەمێ‌ شفی پتر بیت ژ 9 هزار تەنا".