ئاكرێ‌.. تاقیگەهەكا تایبەت ب پشكنینێن كۆرنایێ‌ هاتە ڤەكرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئاكرێ‌.. تاقیگەهەكا تایبەت ب پشكنینێن كۆرنایێ‌ هاتە ڤەكرن

ب بەر هەڤبوونا د. سامان بەرزنجی وەزیرێ‌ ساخلەمیا حكوومەتا هەرێما كوردستانێ‌ و سەرۆكێ‌ لێژنەیا ساخلەمیێ‌ ل پەرلەمانێ‌ كوردستانێ‌ و رێڤەبەرێ‌گشتیێ‌ ساخلەمیا پارێزگەها دهۆك و رێڤەبەرێ‌ ساخلەمیا ئاكرێ‌ و دام و دەزگەهێن حكوومی تاقیگەها پشكنینا ڤایرۆسێ‌ كۆرۆنا ل ئاكرێ‌ هاتە ڤەكرن.

سەباح زهێر، بەرپرسێ‌ راگەهاندنا ساخلەمیا ئاكرێ‌ بۆ (باسنیوز) راگەهاند: "ل دەستپێكا بەڵاڤبوونا ڤایرۆسێ‌ كۆرۆنا هەتا نۆكە ل ئاكرێ‌ زێدەتر ل 2500 نمونەیا ل هاووڵاتیا وەرگرتینە بۆ ئەنجامدانا پشكنینا بۆ ڤایرۆسێ‌ كۆرۆنا هەموو نمونە هاتینە رەوانەكرن بۆ تاقیگەهێن دهۆك بو وەرگرتنا ئەنجامێن وان نمونەیا ژبەركۆ هەتا نۆكە ل قەزا ئاكرێ‌ تاقیگەها پشكنینا نەبوو".

گوتژی: "پشتی مەترسیا ڤایرۆسێ‌ كۆرۆنا زێدەتر بووی وەكۆ ساخلەمیا ئاكرێ‌ مە داخواز كر كۆ پشكنین بۆ هاووڵاتیا ل ئاكرێ‌ بهێنە كرن ،شیایێن ئامێرێن تاقیگەهێ‌ ب هەڤكاریا وەزارەتا ساخلەمیێ‌ دابین بكەین ل ناڤ ئاڤاهیێ‌ رێڤەبەریا ساخلەمیا ئاكرێ‌ ، ئەڤرۆ پێڤە پشكنینێن ڤایرۆسێ‌ كۆرۆنا دێ‌ ل ئاكرێ‌ هێنە ئەنجامدان كۆ تاقیگەهـ هاتە ڤەكرن ب زووترین دەم دێ‌ پشكنین بۆ هاووڵاتیا هێنە ئەنجامدان و د هەماندەمدا دێ‌ بیتە بارسڤكیەك بۆ تاقیگەهێن پارێزگەها دهۆك , ئەگەر شیایێن د پلاندایە كۆ نمونەیێن قەزا بەردەڕەش ژی وەرگرین ل تاقیگەها ئاكرێ"‌.